Bota

Dyshohen për spiunazh/ Shërbimi rus i sigurisë, FSB arreston ish-punëtorë të industrisë

Në një deklaratë për shtyp FSB tha se i njëjti grup ishte gjithashtu i përfshirë në planet për të hedhur në erë linjat hekurudhore në rajonet Kursk dhe Belgorod të Rusisë, të cilat përdoren për të furnizuar forcat ruse që luftojnë në Ukrainë.

13 Qershor 2023, 13:08 Nga a.l
Dyshohen për spiunazh/ Shërbimi rus i sigurisë, FSB arreston
Foto ilustruese

RUSI- Shërbimi rus i sigurisë FSB njoftoi sot se ka arrestuar një grup ish-punonjësish të industrisë së mbrojtjes që dyshon se e kanë furnizuar Ukrainën me informacione të ndjeshme ushtarake dhe për planifikimin e sulmeve sabotuese. Mediat e huaja raportojnë se, FSB akuzoi ish-punëtorët e paidentifikuar për spiunazh për inteligjencën ushtarake ukrainase dhe për dorëzimin e dokumenteve teknike dhe modeleve të përdorura në prodhimin e sistemeve të armëve dhe pajisjeve për Forcën Ajrore të Rusisë. 

Në një deklaratë për shtyp FSB tha se i njëjti grup ishte gjithashtu i përfshirë në planet për të hedhur në erë linjat hekurudhore në rajonet Kursk dhe Belgorod të Rusisë, të cilat përdoren për të furnizuar forcat ruse që luftojnë në Ukrainë. FSB tha se kishte hapur çështje penale kundër ish-punëtorëve me akuzën e kryerjes së tradhtisë shtetërore dhe përgatitjes së akteve të sabotimit, shkruajnë mediat e huaja. 

“Të dyshuarit janë arrestuar dhe po bëjnë rrëfime. Janë sekuestruar eksplozivë plastikë me një masë totale prej më shumë se 4 kilogramë, katër detonatorë, dokumentacion të projektimit ushtarak dhe mallra të përdorura për qëllime ushtarake, si dhe 150,000 dollarë”, tha FSB.

FSB tha se kishte hapur çështje penale kundër ish-punëtorëve me akuzën e kryerjes së tradhtisë shtetërore dhe përgatitjes së akteve të sabotimit.

 

lufta ukraine-rusi

Sondazh

Poll

MË SHUMË