Aktualitet

EMRAT/ Kërcënuan me automatik fals pronarin e lokalit, arrestohet 27-vjeçari në Shijak, procedohen pebalisht 2 vëllezërit e tij

Policia ka bërë të mundur arrestimin e një 27-vjeçari me emrin Fabian Çalliku që ishte përgjegjës dhe iniciatori i sulmit, ndërkohë që kanë proceduar penalisht dy vëllezërit e tij.

10 Qershor 2023, 14:16 Nga I.A
EMRAT/ Kërcënuan me automatik fals pronarin e lokalit, arrestohet
Arma false

DURRËS- Tre vëllezër kanë kërcënuar me armë false dhe kanë dhunuar me çekiç pronarin e një lokali në Shijak të Durrësit. Mësohet se vëllezërit pasi kanë dhunuar pronarin e lokalit Myslym Rramilli, kanë dëmtuar ambientet e biznesit të tij. Policia ka bërë të mundur arrestimin e një 27-vjeçari me emrin Fabian Çalliku që ishte përgjegjës dhe iniciatori i sulmit, ndërkohë që kanë proceduar penalisht dy vëllezërit e tij.

Njoftimi i Policisë:

Shijak, Durrës Kërcënuan me armë imituese, pronarin e një lokali, e goditën atë me send të fortë (çekiç), si dhe i dëmtuan ambientet e lokalit, si rezultat i ndërhyrjes së menjëhershme të Policisë, kapet dhe arrestohet 27-vjeçari, si dhe procedohen penalisht 2 vëllezërit e tij. Sekuestrohen arma imituese, sendi i fortë (çekiç) dhe një automjet. Specialistët për Hetimin e Krimeve të Komisariatit të Policisë Shijak, menjëherë pas marrjes së informacionit, për një konflikt për motive të dobëta, të ndodhur në një lokal në Shijak, kanë organizuar punën për të neutralizuar konfliktin dhe për të arrestuar shtetasit përgjegjës.

Si rezultat i veprimeve të shpejta procedurale dhe hetimore të kryera në vendngjarje, shërbimet e Policisë arrestuan shtetasin F. Ç., 27 vjeç, banues në Shijak, si dhe referuan materialet në Prokurori ku nisi procedimi në gjendje të lirë për 2 vëllezërit e tij, shtetasit Xh. Ç., 32 vjeç, A. Ç., 27 vjeç, gjithashtu banues në Shijak. Nga këto veprime rezultoi se shtetasi F. Ç., në bashkëpunim me 2 vëllezërit e tij, pas një konflikti për motive të dobëta, kanë kanosur me armë imituese, shtetasin M. Rr., 29 vjeç, banues në Shijak (pronar i një lokali në Shijak), e kanë goditur atë me send të fortë (çekiç), si dhe kanë thyer xhamat e lokalit në pronësi të tij. Sendet e kundërligjshme që u përdorën për kryerjen e këtij krimi, si dhe automjeti i këtyre shtetasve, u sekuestruan në cilësinë e provës materiale. Materialet procedurale i kaluan Prokurorisë pranë Gjykatës së Shkallës së Parë së Juridiksionit Durrës, për veprime të mëtejshme, për veprat penale "Plagosja e lehtë me dashje" dhe "Kanosja".

fabian Çalliku myslym rramlili

Sondazh

Poll

MË SHUMË