Sport

Shakira dhe Lewis Hamilton: Një video e të dyve përforcon thashethemet”…

Supozimet sa vijnë e shtohen me kalimin e ditëve, kurioziteti tek admiruesit shtohet. Shakira dhe piloti i F1, Lewis Hamilton ndajnë video identike, që shtojnë hamendësimet për lidhjen e tyre

10 Qershor 2023, 10:40 Nga DOSJA

Shakira dhe Lewis Hamilton: Një video e të dyve përforcon

SHBA - Gjëja më e mundshme është se ylli kolumbian i muzikës, Shakira, ka kthyer faqen në lidhjen e saj të kaluar dhe veçanërisht ndarjen traumatizuese me futbollistin spanjoll të FC Barcelona. Diva është parë vazhdimisht pranë pilotit të Formula 1, Lewis Hamilton, duke shtuar zërat dhe supozimet për një marrëdhënie dashurie që ndërtohet mes të dyve.

Sipas informacioneve të disa mediave evropiane, këngëtarja dhe piloti kanë biseduar tashmë prej një muaji dhe shtojnë numrin e takimeve. Këngëtarja 46-vjeçare do të ishte në video dhe foto, pasi mori pjesë në Grand Prix të Spanjës, në krah të Lewis Hamilton, i cili është 38 vjeç. Miqtë e ngushtë të të dyve kanë thënë se së fundmi, se ata kalojnë shumë kohë së bashku dhe pak nga pak ata kanë mësuar të njohin njëri-tjetrin, të argëtohen dhe të flirtojnë.

Muajin e kaluar nëna e dy të vegjëlve dhe piloti i Formula 1 u panë bashkë për herë të parë, pas Grand Prix të Miami 2023 . Pjesëmarrja e parë e Shakirës, ​​këtë vit, në një Grand Prix, ishte në Miami, një ditë pas marrjes së çmimit "Gruaja e Vitit" nga Billboard gjatë gala inauguruese në "Gratë Latine në Muzikë".

Shakira do të kishte rrëfyer, gjatë pritjes së shpërblimit të saj, se ky vit ishte një nga ndryshimet e shumta rrënjësore në jetën e saj dhe gjatë të cilit ajo ndjeu më shumë se kurrë se çfarë do të thotë të jesh grua. Marrëdhënia idilike që do të fillonte me pilotin e F1 ndërhyn pas ndarjes zyrtare mes këngëtares dhe futbollistit, vitin e kaluar në qershor të 2022. Ish-çifti janë prindër të dy fëmijëve: Milanit 10 vjeç dhe Sasha 8 vjeç.

Prillin e kaluar, kolumbiania u largua nga Spanja për të shkuar dhe për t'u vendosur në Miami, Florida. Në këngët e saj të fundit, Shakira ka përdorur muzikën si terapi, duke iu referuar ish-partnerit të saj dhe duke u përpjekur të çlirohet nga traumat e ndarjes. Në këngën “Acrostic”, të cilën e publikoi në maj, diva kolumbiane shfaqet përkrah fëmijëve të saj në një video mjaft emocionuese.

Shakira dhe Lewis Hamilton: Një video e të dyve përforcon

B.T (Dosja.al)

Sondazh

Poll

MË SHUMË