Sport

"Ai ka një histori të gjatë lëndimesh": Sauditët do të nënshkruajnë me N’Golo Kante, pas rezultateve të raportit mjekësor

Klubi saudit i Al-Ittihad është "duke studiuar rezultatet e ekzaminimeve mjekësore", para se mesfushori i ‘Bluve’ t'i bashkohet kësaj skuadre të Arabisë Saudite, ku do të luajë edhe Karim Benzema sezonin e ardhshëm.

9 Qershor 2023, 11:20 Nga DOSJA
"Ai ka një histori të gjatë lëndimesh":

ARABIA SAUDITE - N'Golo Kanté ende nuk është zyrtarisht një lojtar i Al-Ittihad, ku ai mund të bashkohet me Karim Benzema, i cili nënshkroi një kontratë trevjeçare të martën. Të mërkurën, një burim i brendshëm në klubin, me bazë në Jeddah, i tha AFP se Kante, 32 vjeç, kishte nënshkruar një kontratë 3-vjeçare me Al-Ittihad.

Sipas disa mediave, paga e ofruar për fituesin e Premier League në 2016 dhe 2017 (me Leicester pastaj Chelsea) dhe Champions League në 2021 (me Chelsea) mund të arrijë në 100 milionë euro në vit. Por drejtuesit e Al-Ittihad duan të kenë të gjitha garancitë për gjendjen fizike të kampionit të botës 2018, me 53 ndeshje përpara se të vërtetojnë përfundimisht ardhjen e tij.

“Kante ka nënshkruar një marrëveshje detyruese, por jo një kontratë përfundimtare. Ne vazhdojmë të studiojmë rezultatet e ekzaminimeve mjekësore. Ai ka një histori të gjatë dëmtimesh dhe ne duam të jemi të kujdesshëm përpara se të nënshkruajmë një kontratë të madhe”,- tha një burim brenda klubit për AFP të enjten.

Këtë sezon, N'Golo Kante ka kohë që është larguar nga fusha me Chelsean dhe skuadrën franceze. Për shkak të një dëmtimi në kofshë, ai humbi Kupën e Botës në Katar dhe më pas pësoi disa dëmtime të tjera. Kohët e fundit, dëmtimi ka bërë që ai të humbasë edhe katër ndeshjet e fundit në Premier League.

B.T (Dosja.al)

Sondazh

Poll

MË SHUMË