Bota

'Vendet që refuzojnë të presin refugjatë do të gjobiten'/ Arrihet marrëveshja në BE për azilkërkuesit

Për të arritur, marrëveshja kishte nevojë për miratim nga shumica e vendeve që përfaqësojnë të paktën 65 përqind të popullsisë së bllokut.  

9 Qershor 2023, 11:08 Nga a.l
'Vendet që refuzojnë të presin refugjatë do të
Foto ilustruese

Bashkimi Evropian të enjten më datë 8 qershor arriti një marrëveshje për të rishikuar rregullat për të ndarë në mënyrë më të drejtë pritjen e azilkërkuesve. Mediat e huaja raportojnë se marrëveshja u arrit pas një dite të vështirë negociatash midis ministrave të brendshëm të Bashkimit Evropian në Luksemburg. 

Për të arritur, marrëveshja kishte nevojë për miratim nga shumica e vendeve që përfaqësojnë të paktën 65 përqind të popullsisë së bllokut.  

"Këto nuk janë vendime të lehta për të gjithë rreth tryezës, por janë vendime historike," tha ministrja e brendshme gjermane Nancy Faeser. 

Marrëveshja thotë se vendeve që refuzojnë të presin refugjatë do t'u kërkohet të paguajnë 20,000 euro (21,000 USD) për person. Paratë do të shkojnë në një fond të menaxhuar nga Brukseli.

Polonia dhe Hungaria votuan kundër propozimeve, ndërsa Bullgaria, Malta, Lituania dhe Sllovakia abstenuan.  Marrëveshja paraprake hap rrugën për negociata me Parlamentin Evropian për legjislacionin që mund të miratohet përpara zgjedhjeve evropiane në qershor të vitit të ardhshëm.

Presidentja e parlamentit Roberta Metsola tha se ligjvënësit ishin gati për të nisur negociatat menjëherë për të arritur një marrëveshje.

Numri i azilkërkuesve është rritur pas një pauze të shkaktuar nga pandemia Covid. Prandaj, çështja është ngjitur në listën prioritare të bllokut. Komisioni Evropian paraqiti propozimin e tij për një pakt të ri në vitin 2020. Ky bazohej në sistemin e kuotave. Por plani nuk u pranua pasi vende si Hungaria, Polonia e kundërshtuan atë. 

bashkimi evropian

Sondazh

Poll

MË SHUMË