Politike

'Politika nuk lejon të bëhet drejtësi'/ Braçe: Politikanë të zhytur deri në fyt me kallëzime, bëjnë paradë

Braçe tha se ka politikanë ndaj të cilëve ka numër të madh kallëzimesh dhe shtoi se akuzat e tyre ndaj organeve të drejtësisë janë thjesht ‘paradë’.

8 Qershor 2023, 15:54 Nga A.B
'Politika nuk lejon të bëhet drejtësi'/ Braçe:
Erion Brace

TIRANË- Reformën në Drejtësi dhe për arrestimi i ish-zyrtarëve të lartë ishte tema që u prek ditën e sotme në seancën plenare nga socialisti Erion Braçe. Ai tha se presioni që vjen nga politika është tepër i madh dhe pengon organet e drejtësisë për të bërë punën e tyre. Braçe shtoi se ka politikanë ndaj të cilëve ka numër të madh kallëzimesh dhe shtoi se akuzat e tyre ndaj organeve të drejtësisë janë thjesht ‘paradë’.

“Nga këtu buron kultura e marrëdhënieve me institucionet. Që pas reformës në drejtësi kam vendosur mos të flas këtu për vendimet e gjyqësorit në respekt të institucioneve të drejtësisë. Me atë reformë u dhamë mundësinë prokurorëve dhe gjyqtarëve që të veprojnë, ndërsa politikanët vetëm të dëgjojnë. Parada e politikanëve të zhytur deri në fyt nuk u bën nder organeve të drejtësisë. Presioni që vjen nga politika nuk lejon të bëhet drejtësi. Nëse ka pasur një pyetje që mund të ishte pyetje e pamundur por që u bë në komisionin e ligjeve, nëse do vazhdojë kjo këngë patjetër që nuk do ketë drejtësi”- u shpreh Braçe.

erion brace seance plenare 8 qershor 2023

Sondazh

Poll