Aktualitet

Do të vriste Mariglen Hidën në Elbasan, lihet në burg Brikin Rusta dhe shoku tij Emanuel Rrapushi

Togat e zeza i kanë lënë të dy në masën e sigurisë "arrest me burg". 

1 Qershor 2023, 16:05 Nga k.m.
Do të vriste Mariglen Hidën në Elbasan, lihet në burg Brikin
Foto ilustruese

ELBASAN- Brikin Rusta dhe Emanuel Rrapushi, dy të rinjtë, të cilët tentuan të vrasë Mariglen Hidën në Elbasan, kanë dalë sot para Gjykatës së Elbasanit për t'u përballur me drejtësinë. Togat e zeza i kanë lënë të dy në masën e sigurisë "arrest me burg". 

23-vjeçari Rusta kishte planifikuar që më datë 26 Maj të vriste një 24-vjeçar me të cilin ishte konfliktuar më parë, Mariglen Hidën, i cili më parë ka qenë i dënuar 2 herë me vrasje. Pas një sherri, ai ka marrë armën e tij, e ka shkuar për të qëlluar Hidën, por ka kuptuar që është pikasur dhe në lagjen “Qemal Stafa”, në rrugën “Tomorr Sinani”, ka hedhur armën e zjarrit në rrugë dhe është larguar me shpejtësi.

Policia vuri në pranga 41-vjeçarin dhe shpalli në kërkim Brikin Rustës, 23 vjeç dhe Klaudjo Sulmina, 22 vjeç (22-vjeçari i dyshuar bashkëpunëtor i Brikin Rustës për kryerjen e kësaj ngjarjeje kriminale). Pas ngjarjes, në bazë të hetimeve të kryera, policia ka kryer kontrolle edhe në banesën e Boiken Bahitit, 41-vjeç, banues në Elbasan. Atij ju gjetën në banesën, 1 armë zjarri automatik PMSH, municion luftarak, rreth 300 gramë lëndë të dyshuar narkotike cannabis sativa dhe një radio si të Policisë.

mariglen hida brikin rusta emanuel rrapushi

Sondazh

Poll

MË SHUMË