Aktualitet

Vrau 12 vite më parë Ilir Rexhepin, si ADN-ja e gjakut " tradhtoi" korçarin e dënuar me 16 vite burg në Greqi

ADN-ja e Toshit është ekzaminuar dhe në dy ngjarje të tjera kriminale të ndodhura në Elbasan, si ajo e vrasjes së Ardian Ibrahimit, kunatit të Fadil Memës dhe vrasjes së Roland Rexhepit, por profilet në këto ngjarje kanë dalë negative.

1 Qershor 2023, 13:51 Nga m.s
Vrau 12 vite më parë Ilir Rexhepin, si ADN-ja e gjakut "
Mihal alias Mirgen Toshi

TIRANË- Mihal alias Mirgen Toshi, është marrë i pandehur për një vrasje të kryer 11 vite më parë në Elbasan. Korçari është dënuar me 16 vite burg për "trafik droge" në Greqi. Ndaj Toshit është ngritur akuza e "Vrasjes me paramendim" kryer në bashkëpunim në dëm të biznesmenit Ilir Rexhepi dhe "Mbajtjes pa lejë të armëve".

Vrasja e Ilir Rexhepit në 2011 është kryer me pagesë, për llogari të një grupi kriminal në Elbasan. I pyetur në burgun grek për akuzat e ngritura, ai ka zgjedhur që të heshtë, ndërsa hetimi dhe gjykimi i tij do zhvillohet në mungesë.

Mihal Toshi është zbuluar nga një analizë ADN-je gjaku, njolla të cilat u gjendën në vendin e krimit, ku u ekzekutua Ilir Rexhepi në Elbasan. Gazetari Elton Qyno raporton se ADN-ja e Toshit është ekzaminuar dhe në dy ngjarje të tjera kriminale të ndodhura në Elbasan, si ajo e vrasjes së Ardian Ibrahimit, kunatit të Fadil Memës dhe vrasjes së Roland Rexhepit, por profilet në këto ngjarje kanë dalë negative.

mihal alias mirgen toshi vrasje elbasan

Sondazh

Poll

MË SHUMË