Bota

Stoltenberg udhëton së shpejti drejt Turqisë, komenton sulmet në Moskë: Kievi ka të drejtë të mbrohet

Ai deklaron se kanë ftuar Suedinë që të anëtarësohet në NATO

1 Qershor 2023, 08:55 Nga m.s
Stoltenberg udhëton së shpejti drejt Turqisë, komenton sulmet
Jens Stoltenberg

NORVEGJI- Sekretari i Përgjithshëm i NATO-s, Jens Stoltenberg, do të udhëtojë së shpejti në Turqi, për të diskutuar për anëtarësimin e Suedisë në NATO. Nga një takim në Oslo, ai është shprehur se të gjithë aleatët, përfshirë Turqinë, e kanë ftuar Suedinë që të anëtarësohet në NATO. Ai u shpreh se po punohet që kjo të ndodhë sa më shpejtë që të jetë e mundur.

“Të gjithë aleatët, përfshirë Turqinë, e kanë ftuar Suedinë të anëtarësohet në NATO, dhe kam besim se Suedia së shpejti mund të bëhet një anëtare e qëndrueshme e Aleancës, dhe ne po punojmë që kjo të ndodhë sa më shpejt që të jetë e mundur: në këtë drejtim unë do të udhëtoj në Turqi së shpejti për të parë Erdoganin, kur ende nuk është vendosur”, raporton "Tgcom24".

Jens Stoltenberg foli edhe në lidhje me luftën në Ukrainë, për të cilën theksoi se ka të drejtë të mbrohet nga Rusia. “Ukraina ka të drejtë të mbrohet”, tha ai për sulmet e fundit me dron që kanë goditur Ukrainën.

Lufta në Ukrainë është në ditën e 463-të të saj. Të paktën tre persona, përfshirë dy fëmijë, vdiqën në bombardimet ruse në Kiev gjatë natës, ndërsa alarmi i sulmit ajror ra në gjashtë rajone të tjera të vendit. 

Italia do të rrisë prodhimin e sistemeve raketore të artilerisë detare, municioneve dhe jelekëve antiplumb që do t'i ndahen Ukrainës në funksion të një pakete ndihme të ardhshme. 

Ndërkohë, SHBA-ja njofton një paketë të re armësh dhe municionesh për sistemet Patriotnë Kiev. Moska thotë se ka shkatërruar "luftanijen e fundit ukrainase" në portin e Odessa./Dosja.al

turqi suedi nato stoltenberg

Sondazh

Poll

MË SHUMË