Sport

Benzema: Ofertë 100 milionë euro në vit për kontratë dyvjeçare nga Arabia Saudite

Sulmuesi francez i Real Madridit është nën kontratë me Merengues deri në vitin 2024, por sauditët po e rreshtojnë atë me miliona për të arritur në Riad.

30 Maj 2023, 09:01 Nga DOSJA
Benzema: Ofertë 100 milionë euro në vit për kontratë

SPANJE - Kur Karim Benzema fitoi Topin e Artë të parë në karrierën e tij pak muaj më parë, kontrata e asit francez me Real Madridin u rinovua automatikisht deri në vitin 2024.

Francezi po arkëtonte një sezon mbresëlënës (2021-2022) ku ishte lideri i padiskutueshëm i “mbretëreshës” dhe qëndrimi i tij ishte i sigurtë... Megjithatë, muajt e fundit situata ka ndryshuar dhe Benzema ka një ofertë tepër joshëse në duart e tij.

Sauditët (nuk dihet ende për cilin ekip po flasim) i ofrojnë 100 milionë euro në vit për një kontratë dyvjeçare, plus bonuse që do të kenë të bëjnë me përfshirjen e tij në ofertën e Botërorit 2030 (teorikisht së bashku me Egjiptin dhe Greqinë), ndërsa do të financojë edhe një sërë aktivitetesh të tij bamirëse.

Propozimi është i barabartë me atë që kanë marrë Cristiano Ronaldo dhe Benzema, siç raportojnë mediat spanjolle, edhe pse fillimisht nuk e kanë menduar, tashmë ai nuk është kundër.

B.T (Dosja.al)

Sondazh

Poll

MË SHUMË