Politike

Majko: Raportohet se nuk shkoni mirë me drejtuesit e BKH-së. Dumani: Kemi marrëdhënie të mira pune

Gjatë mbledhjes së Komisionit të Ligjeve, Dumani ka deklaruar se kjo është e pavërtetë dhe se ata kanë marrëdhënie të mira pune.   

26 Maj 2023, 12:19 Nga I.A

Majko: Raportohet se nuk shkoni mirë me drejtuesit e BKH-së. Dumani:

TIRANË- Deputeti socialist Pandeli Majko ka pyetur kryeprokurorin e SPAK Altin Dumani nëse janë të vërteta raportimet se nuk kanë marrëdhënie të mira me drejtuesit e Byrosë Kombëtare të Hetimit. Gjatë mbledhjes së Komisionit të Ligjeve, Dumani ka deklaruar se kjo është e pavërtetë dhe se ata kanë marrëdhënie të mira pune.   

Majko: Konstatohet nga mediat një marrëdhënie jo e shëndetëshsme midis drejtuesve të SPAK dhe të BKH-së. Ne do të donim të dinim pse kjo situatë? Është e vërtetë? Nuk na intereson nëse pini kafe mne njëri-tjetrin. Por ccfarë ka ndodhur? Është keqkuptim apo përplasje në drejtim të zbatimit të ligjit?

Dumani: Mirëpres çdo problematikë apo kritikë. U thanë nga ju për vlerësimin e prokurorëve, ato i bën KLP! Sa i takon vlerësimit të hetuesve të BKH, ka një raport të drejtuesit të BKH që e ka dorëzuar, ne kemi bërë një diskutim. Ne kemi harmonizuar çdo qëndrim tonin edhe me ndërkombëtarët që monitorojnë veprimtarinë e BKH.  Sa i përket marrëdhënies me BKH, ju garantoj se janë shumë të mira. Hetuesit janë funksionalë. Sot që flasim, në shumicë absolute hetuesit e BKH mbulojnë hetimet kryesore. Kemi një marrëdhënie shumë të mirë, ndërvepruese. Të gjithë kolegët kanë çështje në hetim dhe me kënaqësi mund të them se ka një rritje në angazhim dhe profesionale të hetuesve të Byrosë Kombëtare të Hetimit.

altin dumani pandeli majko komisioni i ligjeve 26 maj 2023

Sondazh

Poll