Aktualitet

Shkaktoi 570 mijë euro ‘dëm’! Deraj me post politik në Kuvendin e Shqipërisë, asistentja e deputetëve të mazhorancës, s'mungojnë pozat në parlament

Punën përgjatë asaj kohe në Kuvendin e Shqipërisë, e vërtetojnë edhe fotot e publikuara në rrjetet sociale nga vetë Deraj.

24 Maj 2023, 18:09 Nga A.B
Shkaktoi 570 mijë euro ‘dëm’! Deraj me post politik
Melina Deraj

TIRANË- Burime të sigurta për Dosja.al konfirmojnë se Milena Deraj, 30-vjeçarja e arrestuar pasi mashtroi disa persona se do t’i ndihmonte të merrnin bono thesari në Bankën e Shqipërisë, apo në çështje gjyqësore, kishte post politik në Kuvendin e Shqipërisë.

30-vjeçarja punoi në Kuvend deri në periudhën që ndodhi Covid-19, e më pas u shkëput. E reja, paguhej nga Kuvendi pasi ishte pjesë e një projekti të përbashkët me OSBE-në. Mirëpo, po sipas burimeve të Dosja.al, Deraj, ishte edhe asistente e deputetëve të mazhorancës për Tiranën, pra post politik, që emërohet nga deputeti i qarkut.

Punën përgjatë asaj kohe në Kuvendin e Shqipërisë, e vërtetojnë edhe fotot e publikuara në rrjetet sociale nga vetë Deraj.

Si është e gjithë ngjarja-nga arrestimi e deri tek mashtrimet e kryera nga Deraj:

30-vjeçarja u vu në pranga nga Policia e Tiranës pasi iu ka marrë shuma të mëdha parash, 3 shtetasve (familjarë të saj), duke i mashtruar se do t’i ndihmonte në një proces gjyqësor. Hasan Verracaku, Abedin Verracaku, Shyqyri Verracaku, janë tre personat që Milena Deraj ka mashtruar për t’u zgjidhur çështjen e masakrës së Velipojës. Me premtimin se do i ndihmonte në gjyq, Deraj u ka marrë të treve shumën prej 340 mijë eurove me pretendimin se do t’i ndihmonte në gjyq dhe do të ndërhynte për të ulur pozitatat e tyre.

Shkaktoi 570 mijë euro ‘dëm’! Deraj me post politik

Ndërkohë, si ish-punonjëse e Bankës së Shqipërisë dhe si këshilltare e Gjylametit ajo ka mashtruar një shoqe të sajën, së cilës i ka marrë shumën prej 230 mijë euro në këmbim të bonove të thesarit. Kur shoqja e saj e ka kuptuar se ishte mashtruar dhe nuk po merrte bonot në këmbim të parave është paraqitur në polici për të denoncuar rastin. Në Polici ka shkuar edhe vetë e arrestuara, pasi pretendon se është kërcënuar nga Verracakët.

Këta të fundit, e provuar nga hetuesit, kanë zbuluar se kërcënimet janë bërë sidomos nga djali Abedin Verracaku, i cili e ka kërcënuar nëpërmjet mesazheve. Kështu që nga të dëmtuar, janë shpallur në kërkim: Abedin Verracaku, Shyqyri Verracaku dhe Hasan Verracaku (babai dhe dy djemtë), të tre banues në Shkodër. 

Shkaktoi 570 mijë euro ‘dëm’! Deraj me post politik

milena deraj

Sondazh

Poll

MË SHUMË