Bota

Prigozhin publikon BILANCIN: Mbi 20.000 luftëtarë të Wagner-it janë vrarë në Bakhmut

Sipas këtyre përllogaritjeve, forcat ruse pësuan rreth 100,000 humbje në pesë muaj, duke përfshirë të vrarët dhe të plagosurit. 

24 Maj 2023, 16:43 Nga a.l
Prigozhin publikon BILANCIN: Mbi 20.000 luftëtarë të Wagner-it
Yevgeny Prigozhin

RUSI- Yevgeny Prigozhin, themeluesi i kompanisë private ushtarake (PMC) Wagner Group ka njoftuar se 20,000 luftëtarë të kompanisë janë vrarë në Ukrainë. Prigozhin zbuloi se gjysma e të vrarëve ishin ish të dënuar të rekrutuar nga burgjet ruse.

Kreu i grupit ushtarak fajësoi për numrin e lartë të viktimave ministrin rus të Mbrojtjes Sergej Shoygu dhe Valeriy Gerasimov, shefin e Shtabit të Përgjithshëm të Forcave të Armatosura të Rusisë. Ai pretendoi se Grupi PMC Wagner rekrutoi rreth 50,000 luftëtarë nga kolonitë penale. Prigozhin zbuloi më tej se në kohën e betejave për Bakhmutin, 35,000 njerëz shërbenin në Grupin Wagner, shkruajnë mediat e huaja. 

“Gjatë operacionit zgjodha 50 mijë të dënuar, prej të cilëve rreth 20% vdiqën. Po aq të vdekur ishin edhe ndër ata që na erdhën me kontratë. Përafërsisht 20% të tjerë janë të plagosur, të cilët kanë lëndime që nuk i lejojnë të kryejnë detyra luftarake për tre muaj ose më shumë”, tha Prigozhin.

Sipas raportit nga Shtëpia e Bardhë në fillim të majit, 20,000 personel ushtarak rus u vranë në pesë muajt e fundit gjatë betejave për Bakhmut, gjysma e tyre ishin luftëtarë të Grupit Wagner. Sipas këtyre përllogaritjeve, forcat ruse pësuan rreth 100,000 humbje në pesë muaj, duke përfshirë të vrarët dhe të plagosurit. 

yevgeny prigozhin

Sondazh

Poll

MË SHUMË