Aktualitet

Parandalohet krimi në Durrës! Gruaja u largua pasi dhunohej, burri po shkonte ta VRISTE, Policia e arreston

Haxhiu, që po kërkonte nëpër fshatin Shkallnuer bashkëshorten e tij për ta vrarë, pasi ajo ishte larguar prej dhunës së tij bashkë me fëmijët, u arrestua nga Policia dhe iu gjet edhe automatiku.

20 Maj 2023, 10:30 Nga A.B
Parandalohet krimi në Durrës! Gruaja u largua pasi dhunohej, burri po
Momenti i arrestimit

DURRËS- Lulëzim Haxhiu ishte nisur për të vrarë gruan e tij. 40-vjeçari, banues në Durrës, u arrestua nga Policia në momentin që ishte nisur për të kryer këtë akt të rëndë, duke u parandaluar krimi brenda familjes.

Haxhiu, që po kërkonte nëpër fshatin Shkallnuer bashkëshorten e tij për ta vrarë, pasi ajo ishte larguar prej dhunës së tij bashkë me fëmijët, u arrestua nga Policia dhe iu gjet edhe automatiku. Gjatë kontrollit në automjetin me të cilin qarkullonte Haxhiu, Policia gjeti dhe sekuestroi një armë zjarri tip automatik PMSH me karikator me municion luftarak. Nga veprimet hetimore rezultoi se ky shtetas ishte larguar prej disa ditësh nga banesa, sepse bashkëshortja e tij është e pajisur me urdhër mbrojtjeje nga Gjykata e Durrësit, që prej datës 04.05.2023, për shkak të dhunës së ushtruar nga ky person.

NJOFTIMI I POLICISË:

Durrës /Falë inteligjencës informative, Policia e Durrësit parandalon një ngjarje të rëndë kriminale në familje. Finalizohet opracioni policor i koduar “Shkallnuri”. Me armë zjarri me vete, me të cilën dyshohet se do të kryente krim në familje ndaj bashkëshortes së tij, e cila ishte me urdhër mbrojtjeje, kapet dhe vihet në pranga 40-vjeçari. Sekuestrohen një armë zjarri automatik MPSH dhe municon luftarak.

Shërbimet e Komisariatit të Policisë Durrës, falë inteligjencës informative se një shtetas po qarkullonte me armë zjarri në fshatin Shkallnur, Durrës, dhe dyshohet se do kryente krim në familje, menjëherë kanë organizuar punën për parandalimin e ngjarjes dhe kapjen e shtetasit që qarkullonte me armë zjarri.

Falë vlerësimit në kohë reale të informacionit, si dhe reagimit të menjëhershëm të strukturave të Policisë Durrës, në kuadër të operacionit policor të koduar “Shkallnuri”, u bë lokalizimi, kapja dhe arrestimi në flagrancë i shtetasit L. H., 40 vjeç, banues në fshatin Shkallnur, Durrës.

Shërbimet e Policisë, gjatë kontrollit në automjetin me të cilin qarkullonte ky shtetas, gjetën dhe sekuestruan një armë zjarri tip automatik PMSH me karikator me municion luftarak. Nga veprimet hetimore rezultoi se ky shtetas ishte larguar prej disa ditësh nga banesa, sepse bashkëshortja e tij është e pajisur me urdhër mbrojtjeje nga Gjykata e Durrësit, që prej datës 04.05.2023, për shkak të dhunës së ushtruar nga ky shtetas.

Dyshohet se 40-vjeçari po kërkonte bashkëshorten për ta vrarë, e cila ishte larguar nga banesa, së bashku me fëmijët. Ndërhyrja në kohë e Policisë për kapjen e tij parandaloi ngjarjen e rëndë kriminale. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

lulezim haxhiu operacioni shkallnuri

Sondazh

Poll

MË SHUMË