Politike

Luçiano Boçi pranon humbjen në Elbasan: E keqja është institucionalizuar në vendin tonë

Luçiano Boçi ka falënderuar mbështetësit e tij që i besuan, ndërsa u ndal edhe tek problematikat.

15 Maj 2023, 00:06 Nga k.m.
Luçiano Boçi pranon humbjen në Elbasan: E keqja
Luçiano Boçi

ELBASAN- Kandidati i koalicionit “Bashkë Fitojmë” për Bashkinë e Elbasanit, Luçiano Boçi ka reaguar lidhur me humbjen në zgjedhjet lokale të 14 majit. Me anë të postimi në rrjetet e tij sociale, Boçi ka falënderuar mbështetësit e tij që i besuan, ndërsa u ndal edhe tek problematikat. Për Boçin, e keqja është institucionalizuar tashmë në Shqipëri.

"Me mirënjohje dua të falenderoj të gjithë qytetarët, banorët e bashkisë së Elbasanit që dolën sot për të votuar. Dua të falenderoj të gjithë ata që më besuan dhe më mbështetën me pasionin për ndryshimin. Dua të falenderoj gjithashtu të gjithë vëzhguesit, komisionerët, drejtuesit politikë dhe bashkëpunëtorët e mi të afërt me të cilët ndamë këtë rrugëtim të vështirë, por të bukur, i cili më afroi edhe më tej me qytetarët e mi dhe me qytetin të cilit i përkas. Rezultati i këtyre zgjedhjeve mbart një numër elementësh të kontestueshëm, që media i dëshmoi dhe konfirmoi në Elbasan përgjatë kësaj dite. E keqja është institucionalizuar tashmë në vendin tonë dhe pajtimi me të shpresoj të jetë thjesht një episod. Njeriu nuk resht asnjëherë së luftuari më të!,"-shkruan Boçi.

luciano boci zgjedhjet lokale 14 maj 2023

Sondazh

Poll

MË SHUMË