Sport

Rekordi i Man.United! Ten Haag arriti numrin 38 të fitoreve, kalon edhe Mourinhon!...

Trajneri i Manchester United, holandezi Erik Ten Haag, ka arritur një rekord me fitoren 2-0 të skuadrës së tij ndaj Wolves.

14 Maj 2023, 12:45 Nga DOSJA

Rekordi i Man.United! Ten Haag arriti numrin 38 të fitoreve, kalon edhe

ANGLI - Golat nga Anthony Martial dhe Alejandro Garnazzo i dhanë Manchester United tre pikë jetike në përpjekjen e tyre për t'u kualifikuar në Champions League e sezonit të ardhshëm. 

Ndërsa vëmendja është përqendruar, natyrisht, shumë në betejën për katër më të mirat, fitorja e së shtunës i dha Erik ten Haag një fitore rekord të 38-të në të gjitha garat këtë vit, numri më i shumtë për çdo trajner të United në sezonin e tij të parë  në klub.

Trajneri holandez ka kaluar kështu rekordin e Jose Mourinhos, të cilin e mbajti për gjashtë vjet. 'Special One' erdhi përpara sezonit 2016/17, duke grumbulluar 37 fitore dhe duke fituar Europa League, Kupën e Ligës dhe Community Shield. 

Asnjë trajner tjetër i United nuk ka fituar më shumë se 30 ndeshje në sezonin e tij të parë, me rekordet e radhës më të mira të mbajtura nga David Moges (2013/14, 27 fitore), Frank O'Farrell (1971/1972, 24 fitore), Wilf McGuinness (1969/70, 23 fitore) dhe Louis van Gaal (2014/15, 23 fitore).

Me tre ndeshje të mbetura në Premier League dhe një finale të FA Cup që do të luhet në “Emirates”, trajneri i “Djajve të Kuq” mund të zgjasë rekordin e tij në 43 fitore të paprecedentë.

Rekordi i Man.United! Ten Haag arriti numrin 38 të fitoreve, kalon edhe

B.T (Dosja.al)

Sondazh

Poll

MË SHUMË