Sport

Camavinga goditet në gju në sfidën ndaj Getafe, qetëson situatën Ancelotti...

Shqetësim nga ana e Real Madridit me dëmtimin në gju të Eduardo Camavinga. Por Carlo Ancelotti nuk duket shumë i shqetësuar, madje ai deklaron se mesfushori do të jetë i gatshëm ndaj Man.Cityt

14 Maj 2023, 08:16 Nga DOSJA

Camavinga goditet në gju në sfidën ndaj Getafe, qetëson

SPANJE - Në një ndeshje ku Real Madridi nuk luajti shumë, por gjithsesi përfundoi duke fituar 1-0 kundër Getafe pas golit të Asensio (70’), klubi merengue kishte frikë të humbiste shumë Eduardo Camavingan. Mesfushori francez, i cili gëzon pozicionin e mbrojtësit të majtë në ndeshjet e mëdha, u detyrua të heqë dorë nga vendi në fund të ndeshjes, duke u ankuar për gjurin.

Shtypi spanjoll u tërbua, katër ditë para ndeshjes së kthimit kundër Manchester Cityt. “AS” njoftoi se gjuri i mesfushorit francez ishte kthyer dhe pjesëmarrja e tij në përplasje konsiderohej tashmë e pasigurt. Megjithatë, në një konferencë për shtyp, Carlo Ancelotti shumë shpejt i qetësoi të gjithë për këtë temë. Sipas tij, nuk ka dyshim se Camavinga do të jetë prezent në stërvitje nga e hëna.

“Camavinga shtrembëroi gjurin e tij, por kjo është vetëm një goditje. Ai do të shërohet për ndeshjen kundër Cityt. Ai do të pushojë nesër dhe do të kthehet në stërvitje të martën. Gjuri i tij është i qëndrueshëm, 100%. Ka pak dhimbje por nuk eshte asgjë”, - deklaroi trajneri Carlo Ancelotti.

B.T (Dosja.al)