Aktualitet

Kokainë nga Ekuadori drejt Greqisë, identifikohen shqiptarët e arrestuar, rezultojnë të dënuar për prostitucion e trafik emigrantësh

Të tre shqiptarët rezultojnë emra të njohur për drejtësinë shqiptare dhe jo vetëm.

13 Maj 2023, 13:56 Nga F.M
Kokainë nga Ekuadori drejt Greqisë, identifikohen shqiptarët e
Kokaina e sekuestruar në Greqi

GREQI- Edmond Gjini dhe 2 vëllezërit Remsi e Dritan Uka, janë tre shqiptarët e arrestuar në Greqi që akuzohen për trafik droge nga Amerika Latine drejt Evropës. Shqiptarët ishin në mesin e 10 personave që u arrestuan më shumë se një javë më parë, kur në Selanik u sekuestruan 105 kilogramë kokainë, të fshehur në kontejnerin me banane. 

Të tre shqiptarët rezultojnë emra të njohur për drejtësinë shqiptare dhe jo vetëm. Gjini, 40 vjeç, rezulton i dënuar për prostitucion në Itali dhe autoritetet e vendit fqinj e kanë shpallur në kërkim. Grupi i drejtuar nga Edmond Gjini menaxhonte të paktën njëzet vajza që shisnin trupat e tyre në zonat Pontebbana dhe Terraglio. Karabinierët i vunë në pranga në janar të këtij viti dhe Gjini u dënua në mungesë.

Ndërsa Dritan Uka është arrestuar në Shqipëri në vitin 2021 për trafik emigrantësh. Mbetet për tu parë se si do të vijohet me procesin gjyqësor të shqiptarëve. Nuk dihet nëse ata janë të përfshirë në ngarkesat e tjera me kokainë që janë kapur po në Selanik. 

edmond gjini remsi uka dritan uka

Sondazh

Poll

MË SHUMË