Bota

Takimi me Kurtin dhe shefen e USAID-it/ Ambasadori amerikan: Diskutuam për rëndësinë e themelimit të Asociacionit

Ai gjithashtu ka bërë me dije se me kreun e qeverisë kanë biseduar edhe për rëndësinë e themelimit të Asociacionit të Komunave me Shumicë Serbe. 

12 Maj 2023, 20:04 Nga a.l
Takimi me Kurtin dhe shefen e USAID-it/ Ambasadori amerikan: Diskutuam për
Jeffrey Hovenier

KOSOVË- Ambasadori amerikan në Kosovë, Jeffrey Hovenier ka reaguar lidhur me takimet e fundit të zhvilluara me kreun e qeverisë Albin Kurti gjatë ditës së sotme dhe Administratoren e Agjencisë Amerikane për Zhvillim Ndërkombëtar, Samantha Poëer e cila ndodhet për një vizitë zyrtare në Kosovë. Hovenier i ka cilësuar takimet me Kurtin dhe shefen e USAID-it, të frytshme, me të cilën kanë diskutuar për progresin e Kosovës në fushën e luftës ndaj korrupsionit dhe sundimit të ligjit.

Ai gjithashtu ka bërë me dije se me kreun e qeverisë kanë biseduar edhe për rëndësinë e themelimit të Asociacionit të Komunave me Shumicë Serbe. 

“Bisedë e frytshme me administratoren e USAID dhe kryeministrin Albin Kurti. Të inkurajuar që pamë ecjen e pandalur të Kosovës përpara, veçanërisht luftën kundër korrupsionit dhe sundimin e ligjit. Ne përsëritëm rëndësinë e implementimit të plotë të marrëveshjeve të Dialogut, përfshirë themelimin e AKS-së”, ka shkruar Hovenier.

Poëer po qëndron në Kosovë nga dita e djeshme. Paraprakisht ajo qëndroi për vizitë në Serbi. Shefja e USAID-it fluturoi nga SHBA-ja me mbështetjen e presidentit amerikan Joe Biden, siç u bë e ditur, për të ulur tensionet dhe për të mbështetur dialogun ndërmjet Kosovës dhe Serbisë. 

jeffrey hovenier

Sondazh

Poll

MË SHUMË