Bota

Marrëveshja e grurit/ Kremlini: Do të zgjatet vetëm nëse zbatohet pjesa e Rusisë

Zëdhënësi presidencial rus Dmitry Peskov deklaron se shansi i vetëm që marrëveshja e grurit të zgjatet është nëse pjesa ruse e marrëveshjes zbatohet, pavarësisht nga çdo bisedë telefonike që zhvillohet midis presidentëve rus dhe turk, Vladimir Putin dhe Rexhep Tajip Erdogan.

12 Maj 2023, 16:19 Nga a.l

Marrëveshja e grurit

RUSI- Zëdhënësi presidencial rus Dmitry Peskov deklaron se shansi i vetëm që marrëveshja e grurit të zgjatet është nëse pjesa ruse e marrëveshjes zbatohet, pavarësisht nga çdo bisedë telefonike që zhvillohet midis presidentëve rus dhe turk, Vladimir Putin dhe Rexhep Tajip Erdogan.

"Që të arrihet një marrëveshje, një bisedë midis dy presidentëve nuk do të ndihmojë. Për të nënshkruar marrëveshjen, pjesa e dytë e marrëveshjes, e cila ka të bëjë me premtimet ndaj nesh (Federatës Ruse - TASS), duhet të jetë zbatuar”, theksoi zëdhënësi i Kremlinit.

Marrëveshjet për të mundësuar eksportin e ushqimeve dhe plehrave në tregjet botërore u nënshkruan më 22 korrik 2022 në Stamboll. Ato fillimisht ishin menduar të zgjasin 120 ditë dhe u zgjatën për 120 ditë të tjera në nëntor. Rusia njoftoi më 18 mars se marrëveshja ishte zgjatur edhe për 60 ditë të tjera, duke thënë se kjo do të ishte koha e mjaftueshme për të vlerësuar efektivitetin e memorandumit të nënshkruar me OKB-në, shkruajnë mediat e huaja. Moska ka thënë vazhdimisht se çdo zgjatje e mëtejshme e marrëveshjes varet nëse pjesa ruse e marrëveshjes do të zbatohet. Mungesa e progresit në këtë çështje rrezikon të ardhmen e gjithë nismës.

marreveshja e grurit