Sport

VIDEO/ Ish-futbollisti kolumbian arrestohet për herë të tretë për trafik droge...

Ish-futbollisti kolumbian Diego Leon Osorio u arrestua për herë të tretë më 8 prill në një rast trafiku droge, njoftoi të premten policia kolumbiane.

6 Maj 2023, 10:36 Nga DOSJA

VIDEO/ Ish-futbollisti kolumbian arrestohet për herë të

KOLUMBI - Ish-futbollisti kolumbian Diego Leon Osorio u arrestua për herë të tretë, më 8 prill në një rast trafiku droge, njoftoi të premten policia kolumbiane. 

Mbrojtësi, i cili fitoi disa tituj me Atlético Nacional në vitet '90, "kishte ndërmend të merrte një fluturim për në Madrid" nga Rionegro (në veriperëndim), një qytet afër Medellín, "me 1.849 gramë kokainë" , tregoi policia në një njoftim për shtyp.

Në aeroport, autoritetet e arrestuan dhe zbuluan se ai mbante drogën të fshehur në katër palë atlete. Policia nuk e zyrtarizoi arrestimin e tij deri të premten, pas publikimit në shtyp të një videoje, ku Osario shfaqet i prangosur pranë një polici. 

Ish-futbollisti 52-vjeçar ishte arrestuar tashmë në vitin 2002 teksa mbante kokainë në Miami. Ai ishte liruar pas dorëzanisë, por në vitin 2016 ai u arrestua përsëri në Medellin dhe u vu në arrest shtëpiak për pesë vjet.

B.T (Dosja.al)

Sondazh

Poll

MË SHUMË