Bota

OKB: Rusia dhe Ukraina nuk bien dakort për eksportin e drithërave

Për momentin, grupi tha se po vazhdon të inspektojë anijet e miratuara më parë, por po inkurajon vendet që të vazhdojnë të negociojnë për anijet e reja.

6 Maj 2023, 09:32 Nga f.i
OKB: Rusia dhe Ukraina nuk bien dakort për eksportin e drithërave
foto ilustruese

UKRAINË- Ukraina, Rusia, Turqia dhe Kombet e Bashkuara nuk kanë arritur një marrëveshje për të autorizuar ndonjë anije të re, përmes marrëveshjes për eksporte nga Deti i Zi që mundëson transportin e sigurt të drithërave ukrainase. CNN raporton se zëdhënësi i OKB-së, Farhan Haq, u tha gazetarëve më 5 maj se inspektimet ditore të anijeve, që ishin autorizuar më herët të transportonin mallra, po vazhdojnë.

Për momentin, grupi tha se po vazhdon të inspektojë anijet e miratuara më parë, por po inkurajon vendet që të vazhdojnë të negociojnë për anijet e reja. Ndërkohë Moska sërish ka kërcënuar se do të largohet nga marrëveshja më 18 maj nëse pengesat që ekzistojnë për transportin e drithërave të saj nuk hiqen.

OKB premtoi të zhbllokojë portet në Detin e Zi për të lejuar kalimin e sigurt të drithrave dhe farave vajore, duke ndjekur rrugët e identifikuara nga autoritetet detare ukrainase për të shmangur minat dhe ndalesat në Stamboll për të siguruar që armët të mos kthehen kontrabandë në vend.

lufta ne ukraine

Sondazh

Poll

MË SHUMË