Aktualitet

Inceneratori i Elbasanit, GJKKO pranon gjykimin e shkurtuar Alqi Bllakon dhe 7 të pandehurit e tjerë, ndahet çështja për Etleva Kondin

GJKKO rrëzoi dhe kërkesën për bashkimin e çështjes me atë të Fierit.

5 Maj 2023, 16:53 Nga k.m.
Inceneratori i Elbasanit, GJKKO pranon gjykimin e shkurtuar Alqi Bllakon dhe 7
Alqi Bllako dhe Lefter Koka

TIRANË- Gjykata e Posaçme kundër Korrupsionit dhe Krimit të Organizuar ka pranuar kërkesën e ish-ministrit të Mjedisit Lefter Koka, ish-sekretarit të kësaj ministrie Alqi Bllako dhe 7 të pandehurve të tjerë që të përballen me ligjin me gjykim të shkurtuar. Kjo do të thotë që çështja do të gjykohet me provat aktuale, e nëse të pandehurit do të shpallen fajtor nga GJKKO, do të përfitojnë 1/3 ulje të dënimit. Ndërsa për Etleva Kondin procesi do të vijojë me gjykim të zakonshëm dhe çështja u veçua. E po ashtu, GJKKO rrëzoi dhe kërkesën për bashkimin e çështjes me atë të Fierit.

Kështu që seanca e radhës ku SPAK do të lexojë pretencën do të zhvillohet më datë 18 maj, në orën 9.00. Kërkesa do të lexohet nga prokurori Arben Kraja ndërsa i pranishëm ishte dhe prokurori Klodian Braho.

Ish-deputeti i Partisë Socialiste, Alqi Bllako akuzohet se ka përfituar afro 14 milion e 600 mijë lekë pasi ka falsifikuar dokumente për të shpronësuar një tokë për ta kthyer nga një tokë arë në truall në bashkëpunim me ish-ministrin e Mjedisit Lefter Koka e kryetarin e shpronësimeve, Pëllumb Abeshi. Por, Koka ndodhet pas hekurave për këtë çështje prej më shumë se dy muajsh, edhe pse e ka apeluar disa herë masën e sigurisë duke përdorur si justifikim edhe gjendjen e tij shëndetësore.

alqi bllako ne spak alqi bllako lefter koka incenertatori i elbasanit gjkko

Sondazh

Poll

MË SHUMË