Aktualitet

E PAZAKONTË- Shqiptarja në Selanik lë në makinë foshnjën 4 muajshe, shkon për shopping me shoqen e saj, justifikimi: Kishte radhë te kasa

Ishte një kalimtar që pa foshnjen brenda makinës së parkuar, e më pas telefonoi Policinë.

5 Maj 2023, 11:50 Nga A.B
E PAZAKONTË- Shqiptarja në Selanik lë në makinë
Foto ilustruese

GREQI- Një 22-vjeçare shqiptare është arrestuar në Selanik, pasi kishte lënë foshnjen e saj 4-muajshe në makinë, e ndërkohë kishte shkuar për të bërë pazar. 

Shqiptarja, së bashku me një tjeter grua, lanë foshnjen dhe u nisën për të bërë paraze në një dyqan në zonën e Pylaias. Ishte një kalimtar që pa foshnjen brenda makinës së parkuar, i cili njoftoi Policinë, shkruan 'Protothema.gr'.

Gjatë seancës gjyqësore e reja ka kërkuar falje ndërsa ka pranuar gabimin duke thënë se vonesa kishte ndodhur për shkak se në dyqanin ku ishte futur për të blerë diçka, kishte pasur shumë radhë.

“E mora me vete sepse nuk kisha ku ta lija. E lashë sepse e ushqeja me gji gjatë gjithë rrugës. Fëmija ishte i lodhur. Kur arritëm atje e zuri gjumi. Shkova për të marrë disa gjëra dhe do të kthehesha shpejt. Në arkë kishte shumë njerëz, prandaj u vonova”, tha ajo.

Foshnja ishte vetëm për të paktën 40 minuta, ndërsa automjeti ishte i mbyllur me dritare gjysmë të hapur. Punonjësit e policisë së repartit Pylaia, gjetën brenda një dyqani gratë me origjinë shqiptare dhe i arrestuan. 

Policia ka ngritur dosjen për ekspozim të të miturit në rrezik si bashkëpunëtor ndaj nënës 22-vjeçare si dhe drejtuesit të mjetit 27-vjeçar./Dosja.al

shqiptarja ne greqi

Sondazh

Poll

MË SHUMË