Aq insistues u duk kryeministri saqë edhe kryetari i bashkisë Kukës, Safet Gjici e kundërshtoi për herë të parë. Gjici i dha shenjë Ramës se nuk e kërcente dot vallenë e Tropojës pa kërcyer vallen e Kukësit.
TIRANE- Fushatë me këngë dhe me valle për të sfiduar kundërshtarët politikë. Kryeministri Edi Rama shkoi dje në Kukës ku me një këmbëngulje të paparë kërkoi të kërcenin me të vallen e Tropojës. Kjo jo pa arsye. Rama deshi ta sfidonte Sali Berishën për ti treguar se Kukësi nuk është më blu dhe se edhe vallen e Tropojës, vendlindjes së tij e kërcejnë me të edhe kuksianët. Por edhe pse në dukje një lëvizje politike, të thirrurit në miting nuk e përtypën mirë këtë ftesë. Kuksianët i dhanë disa justifikime për të mos i thënë jo, por Rama këmbëngulte. Rexh Byberit i përmendi gratë, një qytetare tha se nuk kërcente dot se kishte këmbën sëmurë. Por Rama nuk u tërhoq dhe i mori shoqen. Aq insistues u duk kryeministri saqë edhe kryetari i bashkisë Kukës, Safet Gjici e kundërshtoi për herë të parë. Gjici i dha shenjë Ramës se nuk e kërcente dot vallenë e Tropojës pa kërcyer vallen e Kukësit.
"O Rexh po çohu
Safet po nuk kërceve vallen e Tropojës nuk je kuksian, çohu çohu se vjen pastaj e Kukësit.
Futu kërce tashi, vallen e Tropojës.
A të dhemb këmba ty? Mirë se kërcen shoqja për ty.
Do vimë tani te Kukësi... kjo është më e fortë...
Hajde Safet eja, o Rexh këtu i le ti takosh gratë?"-ishin disa nga thirrjet që pasuan me disa pamje ku qytetarë u bashkuan me të në valle, nën premtimin e vazhdueshëm se vallja e Kukësit do të vinte direkt pas asaj të Tropojës.
Ndryshimi është i dukshëm. Njeriu i tepsisë dhe barcaletave ndryshon pllakë dhe nis folklorin e valles dhe traditës për të ndezur një frymë në takimet e vakëta të atij që vetëm flet dhe nuk dëgjon askënd veç vetes. Nga marsi i 2018, kur i talli kuksianët që u ngritën në protestë për tarifën e kalimit te Rruga e Kombit, situata ka ndryshuar. Asokohe ata ishin njerëz që nuk iu ngrihej, duke bërë ironi me protestën ndërsa sot e tejkalon traditën për të plotësuar një shfaqje që nuk i ngjit më askujt, as familjarëve të administratës që merr në takime.
“Nuk mund dot ju të bllokoni asgjë dhe të pengoni asgjë. Dhe për më tepër pastaj kur fillojnë ato kërcënimet: jo po shiko këtu se do ngrihen këta, do ngrihen ata. Kjo e ngritjes është thirri-thirri të të ngrihet ai i shkreti kokulur s’të përgjigjet dot. Se po, është poezi e di doktori këtu, pyeteni doktorin se e di mirë këtë punë”, thoshte ai në mars 2018./Dosja.al
Rexhep Tajip Erdogan TURQI- Vlerësimi i "Economist" ka nxitur një reagim të keq nga presidenti turk Rexhep Tajip Erdogan. Pas publikimi...
Martin Schulz TIRANË- Ish-Presidenti i Parlamentit Europian, Martin Schulz, drejtues i partive socialdemokrate ka porositur qeverinë shqiptare q&...
Posteri i fushatës DURRËS- Kandidatja për Bashkinë e Durrësit, Emiriana Sako ka ndarë një shkrim publik, që i kush...
Erion Veliaj TIRANË- Zëdhënësja e fushatës së kandidatit të 'Bashkë Fitojmë", Silvi Bardhi ka ndarë dit&e...
Pjese nga emisioni TIRANË-Aktori i njohur Bujar Asqeriu ndryshoi mendim për çështjen e Teatrit Kombëtar, pasi u kërcën...
Ilir Meta TIRANË- Kreu i Partisë së Lirisë, Ilir Meta ka paralajmëruar zgjedhje të parakohshme parlamentare. Në fjal&eum...
Erion veliaj TIRANË- Kryebashkiaku i Tiranës Erion Veliaj ka komentuar përfshirjen e këngëtarëve në fushatën e...
Erion Veliaj TIRANË- Kryebashkiaku i Tiranës Erion Veliaj ka deklaruar se nuk bën debat me rivalin e tij Belind Këlliç...
Adil Xhelili TIRANË- Kandidati i koalicionit 'Bashkë Fitojmë' Adil Xhelili në Libohovë ka komentuar premtimin e tij për sh&eu...
Sali Berisha TIRANË- Sali Berisha nuk tërhiqet edhe po nuk fitoi në zgjedhjet lokale. Në fjalën e tij gjatë emisionit "Opinio...