Politike

Rama: Merrem me Berishën dhe Metën se janë kërcënim. Alibeaj është fatkeqësi

Rama u shpeh se fraksionin e PD-së që ka Alibeaj e sheh si një fatkeqësi që nuk i bën dot ballë betejës.

4 Maj 2023, 21:37 Nga I.A
Rama: Merrem me Berishën dhe Metën se janë kërcënim.
Edi Rama

TIRANË- Kryeministri Edi Rama ka deklaruar se ai në fushatën elektorale merret vetëm me Sali Berishën dhe Ilir Metën, pasi ata i sheh si kërcënim. I ftuar në emisionin 'Real Story' në Report Tv, Rama u shpeh se fraksionin e PD-së që ka Alibeaj e sheh si një fatkeqësi që nuk i bën dot ballë betejës.

"Pse kush është tjetër në këtë fushatë? Cila PD? E ke seriozisht? Dhe nuk është çështje faktorizimi, unë merrem në parim, jo me ata personalisht, merren me ata se ata janë problem dhe turp për Shqipëri, jo Alibeaj me ata të tjerët, janë fatkeqësi më vete se kanë vulën, por jo të ndenjurat dhe duke mos pasur të ndenjurat, nuk i rrinë dot betejës. Flasin ata, janë ndarë nga dyshja, por jo nga ajo që përfaqëson, nuk kanë si ndahen, sepse janë të rrahur që të vegjël dhe janë jeniçerë që nuk ngrihen dot në lartësinë e të marrit të sulltanati të Likes. Këta të 2 duhet të marrin ndihmën e shtëpisë që të mos dalin më në kërkim të një vota”, tha Rama.

edi rama sali berisha ilir meta

Sondazh

Poll

MË SHUMË