Sport

RISIA! Jose Mourinho, për shkak të arbitrit, mbajti një diktofon të fshehur në ndeshjen ndaj Monzës: “Më duhej të mbroja veten”…

“Unë nuk jam budalla, shkova në ndeshje me një diktofon dhe regjistrova gjithçka që nga momenti që dola nga dhoma e zhveshjes deri në kthim. Më duhej të mbroja veten“, tregon trajneri portugez

4 Maj 2023, 16:23 Nga DOSJA

RISIA! Jose Mourinho, për shkak të arbitrit, mbajti një diktofon

ITALI - Jose Mourinho konsiderohet një mjeshtër i taktikave mbrojtëse dhe një mjeshtër i lojërave për rezultate, por edhe si njeri, veprimet dhe deklaratat e të cilit shpesh tronditin, shkaktojnë vëmendje dhe thjesht bëjnë thirrje për reagime të ndryshme nga njerëzit në mbarë botën e futbollit.

Kështu raportuan dhe komentuan shumë persona kritikat e tij ndaj gjyqtarit Daniele Kifi, i cili vendosi drejtësinë në ndeshjen ndërmjet Romës dhe Monzës. Skuadra romane arriti një barazim (1-1) dhe trajneri portugez fajësoi gjyqtarin për vendimet e tij, të cilat kanë ndikuar në prishjen e renditjes në kampionatin italian. 

"Ai ishte arbitri më i keq që kam takuar në fusha futbolli në karrierën time. Ai është i dëshpëruar, nuk ka ndjenja apo lidhje njerëzore me askënd. Ai i dha një karton të kuq një lojtari që rrëshqiti në minutën e 96-të vetëm sepse ishte i lodhur”,- ka analizuar Mourinho  përjashtimin e Jelik në fund të ndeshjes. 

Kjo u pasua nga një rrëfim i pazakontë i një trajneri me përvojë, i cili kishte menduar diçka që asnjë nga kolegët e tij nuk e ka bërë.

RISIA! Jose Mourinho, për shkak të arbitrit, mbajti një diktofon

“Unë nuk jam budalla, shkova në ndeshje me një diktofon dhe regjistrova gjithçka që nga momenti që dola nga dhoma e zhveshjes deri në kthim. Më duhej të mbroja veten“, tha fituesi i trofeve të shumta, i cili shpesh futet në duele verbale me gjyqtarët dhe herë-herë ndëshkohet për këtë. Për t’u mbrojtur nga kjo ai tani ka dashur të regjistrojë dialogë potencialisht të diskutueshëm me arbitrat me një objekt të fshehur nën këmishë. 

B.T (Dosja.al)

Sondazh

Poll

MË SHUMË