Sport

Monza po lëviz për të siguruar nënshkrimin me Zlatan Ibrahimovic!...

Zlatan Ibrahimovic pritet të largohet nga Milani në fund të sezonit, ndërkohë që Monza e Berlusconi-Gallianit tashmë është në kontakt me superyllin suedez për nënshkrimin e tij.

4 Maj 2023, 15:50 Nga DOSJA

Monza po lëviz për të siguruar nënshkrimin me Zlatan

ITALI - Finalja e sezonit do ta gjejë Zlatan Ibrahimovicin duke bërë gati valixhet për t’u larguar nga Milani, pasi kuqezinjtë kanë marrë vendimin për të mos rinovuar kontratën e tij. 

Megjithatë, ka të ngjarë që suedezi të qëndrojë në Lombardi dhe të shkojë vetëm 20 kilometra më në veri, pasi fqinji, Monza, ka hyrë në garë për blerjen e tij!

Sipas “Foot Mercato”, grupi Berlusconi-Galliani tashmë kanë kontaktuar me superyllin Ibrahimovic, i cili është pozitiv për mundësinë e një lëvizjeje të tillë dhe thuhet se ka gjetur pothuajse gjithçka me ‘Reds’!

Për momentin asgjë nuk është nënshkruar, por të dyja palët janë optimistë se më në fund do të arrijnë një marrëveshje.

Monza po lëviz për të siguruar nënshkrimin me Zlatan

Vlen të theksohet se 41-vjeçari suedez ruan marrëdhënie shumë të mira me administratën e Gallianit, pasi gjatë presidencës së këtij të fundit, u transferua në Milano në verën e vitit 2010 dhe fitoi Scudetton në vitin 2011.

B.T (Dosja.al)

Sondazh

Poll

MË SHUMË