Bota

EUROPOL megaoperacion antidrogë në 3 kontinente/ Zbulohet rrjeti i internetit ku tregtohej droga, 288 të arrestuar, sekuestrohen 50.8 milionë lekë cash, 850 kg drogë

Në pranga janë vënë 288 persona që dyshohet se janë përfshirë në blerjen ose shitjen e drogës përmes rrjetit ilegal 'Monopoly Market'.

2 Maj 2023, 14:47 Nga a.l
EUROPOL megaoperacion antidrogë në 3 kontinente/ Zbulohet rrjeti i
Europol

Një megaoperacion ndërkombëtar është zhvilluar nga Europol në 3 kontinente. Në një njoftim zyrtar nga Europol bëhet me dije se në cilësinë e provës materiale janë sekuestruar mbi 50.8 milionë euro cash dhe monedha virtuale, 850 kg drogë dhe 117 armë zjarri.

Droga e sekuestruar përfshin mbi 258 kg amfetaminë, 43 kg kokainë, 43 kg MDMA dhe mbi 10 kg LSD dhe pilula ekstazi.  Ky operacion, i koduar SpecTor është zhvilluar në Austri, Francë, Gjermani, Holandë, Poloni, Brazil, Mbretërinë e Bashkuar, Shtetet e Bashkuara dhe Zvicër. Në pranga janë vënë 288 persona që dyshohet se janë përfshirë në blerjen ose shitjen e drogës përmes rrjetit ilegal 'Monopoly Market'.

Autoritetet e zbatimit të ligjit zbuluan listat e gjera të blerësve dhe të shitësve, mijëra klientë anembanë globit tani janë gjithashtu në rrezik të ndjekjes penale. 

Në prag të këtij operacioni të koordinuar, autoritetet gjermane dhe amerikane mbyllën gjithashtu 'Hydra', i cili ishte tregu më fitimprurës i uebit të errët me një të ardhur të vlerësuar prej 1.23 miliardë euro, në prill 2022. Shkarkimi i Hydra pa 23 milionë euro në kriptovalutat e sekuestruara nga autoritetet gjermane.  

europol

Sondazh

Poll

MË SHUMË