Bota

Kishte paguar për të qëndruar në hotelin luksoz, pas 3 orësh zbulon trupin e pajetë poshtë krevatit

Burri ndjeu një erë "të fortë" kur u vendos në hotelin e tij në Lhasa më 21 prill

2 Maj 2023, 13:02 Nga m.s
Kishte paguar për të qëndruar në hotelin luksoz, pas 3
foto nga hoteli

KINË- Një aventurë në Tibet rezultoi e frikshme për një turist nga Kina, pasi policia zbuloi në dhomën e tij në një hotel luksoz trupin e pajetë të një personi që po dekompozohej. Kalvari i tmerrshëm i një kinezi në një hotel tibetian, ku një kufomë u gjet nën shtratin e tij, ka çuar në një hetim për vrasje dhe arrestimin e një të dyshuari.

Burri ndjeu një erë "të fortë" kur u vendos në hotelin e tij në Lhasa më 21 prill. Pasi u zhvendos në një dhomë tjetër, një trup u zbulua nën shtratin ku kishte fjetur për tre orë.

Më vonë atë natë, policia i tha atij se kishte arrestuar një person në lidhje me rastin. Burri, i identifikuar në mediat lokale vetëm si Zhang, më vonë i tha "Shangyou News" se u largua nga Lhasa të nesërmen. Turisti kishte qëndruar në një ndër hotelet më influencues, i njohur në mediat sociale si një vend ideal për foto.

Në orët e vona të natës, stafi i hotelit trokiti në derën e Zhang dhe i kërkoi të zbriste në katin e poshtëm, në dhomën që kishte liruar.

Policia po priste atje për të regjistruar deklaratën e tij dhe për të mbledhur shenjat e ADN-së. Atij i kishin thënë të mos shqetësohej sepse tashmë kishin arrestuar dikë si pjesë e hetimeve të tyre.

Policia nuk ka dhënë më shumë detaje rreth rastit, por ka publikuar një video të arrestimit të të dyshuarit në një tren për në qytetin Lanzhou, i cili ndodhet në një provincë tjetër.

Zhang tha se kishte hezituar të publikonte përvojën e tij, por u detyrua ta bënte këtë për shkak të mohimit të hotelit dhe akuzave në mediat sociale se ai kishte shpikur incidentin.

Postimet e tij që përshkruajnë atë që ndodhi, kanë shkaktuar mijëra komente. /Dosja.al

tibet kine

Sondazh

Poll

MË SHUMË