Sport

Milan-Leao ka marrëveshje: Rinovimi deri në 2028, mungon vetëm firma!... Ja detajet

Anësori portugez ka pranuar ofertat nga klubi kuqezi. Tani duhet të zgjidhet çështja në lidhje me kompensimin ndaj Sporting Lisbonës

29 Prill 2023, 10:05 Nga DOSJA
Milan-Leao ka marrëveshje: Rinovimi deri në 2028, mungon vetëm

ITALI - Një histori që rrezikoi të shndërrohej në një frazë verore është mbyllur më në fund, me sirenat e shumta që vijnë nga jashtë: Rafa Leao ka arritur një marrëveshje me Milanin për të rinovuar edhe për pesë vite të tjera, deri në vitin 2028. 

Lojtari ka pranuar propozimin nga klubi kuqezi dhe për momentin e vetmja gjë që mungon është nënshkrimi i pritshëm në ditët në vijim. Marrëveshja bazohet në një pagë prej 7 milionë neto, plus bonuse dhe 2 milionë pas nënshkrimit.

Mbetet ende çështja e dëmshpërblimit për t'i paguar Sportingut të Lisbonës, i cili ka të drejtë për 22 milionë dhe ka ardhur të kërkojë 45. Marrëveshja me klubin portugez, megjithatë, duket e afërt. 

Kështu Rafa Leao bëhet një nga pikat kryesore të projektit të kuqezinjve. Lojtari gjithmonë ka thënë se ndihet mirë te Milani, edhe nëse interesimi i shumë klubeve të mëdha dukej se e kishte bërë lojtarin të reflektonte për mundësinë e qëndrimit.

Megjithatë, pas një periudhe njollosjeje, Leao u rikthye në vendosmëri dhe zgjodhi të vazhdojë me klubin që e çoi në nivelet më të larta. 

B.T (Dosja.al)

Sondazh

Poll

MË SHUMË