Sport

Befasi në Bundesligë! Dortmundi ndalet nga Bochum, Bayern mund të kthehet në krye

Verdhezinjtë e Borussia Dortmundit i ndalon Riemann dhe pasaktësia e tyre. Përfundon 1-1 në “Vonovia Ruhrstadion”, me golat e Losilla dhe Adeyemi.

29 Prill 2023, 07:15 Nga DOSJA
Befasi në Bundesligë! Dortmundi ndalet nga Bochum, Bayern mund të

GJERMANI - Dita e 30-të e Bundesligës hapet me performancën e pa pëlqyeshme të  Borussia Dortmundit, e cila gabon me Bochumin dhe vë në rrezik vendin e pare. Duke mposhtur Herthan të dielën (15:30), Bayern do të kalonte sërish në krye të renditjes. 

Në “Vonovia Ruhrstadion” gjithçka ndodhi në minutat e para: Losilla shënoi avantazhin në minutën e 5-të, Adeyemi barazoi për verdhezinjtë në minutën e 7-të. Në pjesën e dytë, BVB u përplas me portierin Riemann dhe pasaktësinë e tij, duke protestuar në finale për një penallti të pa dhënë. 

Dita e 30-të e Bundesligës hapet me një barazim të papritur nga Borussia Dortmund, i ndalur 1-1 nga Bochum. Nisja me një ritëm shumë të lartë në “Vonovia Ruhrstadion”, në atë që quhet Revierderby i vogël. 

Kalojnë pesë minuta dhe vjen goli i vendasve, i firmosur nga kapiteni Losilla me një goditje të shkëlqyer nga jashtë zonës. Borussia Dortmund u kundërpërgjigj menjëherë, duke barazuar në minutën e 7-të: goditje nga Malen, prekje nga Haller dhe në shtyllën e largët mbërrin Adeyemi, i cili shënon nga dy hapa. 

Ritmet bien pas një çerek ore, por mundësitë nuk mungojnë. Paradoksalisht, megjithatë, më të mirët janë për Bochum: skuadraat shkojmë në pushim 1-1, rezultat që reziston në pjesën e dytë.

Borussia, e sheh golin e fitores së Hummels, të anulohet për pozicion jashtë loje në minutën e 90-të. Protestat e mysafirëve më pas për një dorë të Mašović ishin të kota, loja rifilloi dhe Bellingham humb mundësinë për ta çuar në 2-1 rezultatin në minutën e 98-të për Dortmundin. 

Kështu përfundon 1-1, me Borussia Dortmundin që rrezikon lidershipin e saj në Bundesligë: verdhezinjtë janë të parët me 62 pikë, por rrezikojnë të kalojnë Bayernin (60), të angazhuar ndaj Herthës. Deri të dielën, Dortmundi do të vazhdojë të kryesojë…

B.T (Dosja.al)

Sondazh

Poll

MË SHUMË