Aktualitet

'BAZA 2'/ RENEA zbarkon në lumin Drin, kërkohet pistoleta TT që u vra Nikulaj, kamerat e një supermarketi tregojnë Haxhinë dhe Saraivën duke blerë ushqime në Shkodër

Dosja.al ka mësuar se dyshohet se në të njëjtin vend ku u gjet motori "Yamaha X Max", është duke u kërkuar edhe pistoleta tip TT. Burime i thanë Dosja se arma e përdorur në vrasje mendohet se është në Lum.

28 Prill 2023, 10:47 Nga f.g
'BAZA 2'/ RENEA zbarkon në lumin Drin, kërkohet pistoleta TT
Foto ilustruese

SHKODER- Efektivët e repartit special RENEA janë shpërndarë tashmë në dy baza kërkimi. E para është në Shkodër atje ku besohet se ka qëndruar për gati dy muaj ekzekutori i Ardian Nikulajt, shtetasi portugez, Ruben Saraiva dhe buzë lumit Drin ku është duke u kërkuar arma e zjarrit. Dosja.al ka mësuar se dyshohet se në të njëjtin vend ku u gjet motori "Yamaha X Max", është duke u kërkuar edhe pistoleta tip TT. Burime i thanë Dosja se arma e përdorur në vrasje mendohet se është në Lum.

Kërkimet po bëhen nga reparti i polumbarëve të RENEA, por ende pa rezultat. Kërkimi i dytë për shtëpinë ku ka qëndruar portugezi është intesiov pasi mendohet se banesa në Shkodër është marrë me qira nga Edmond Haxhia dhe është përdorur nga portugezi dhe Haxhia. Kjo banesë nuk ka qenë në dijeni as të të dashurës së Haxhisë. Banesa është zbuluar nga gjetja e disa kuponave të një supermarketi.

Policia ka shkuar pranë supermarketit dhe ka hapur kamerat pikërisht në ditën kur janë printuar kuponat. Në pamje duken Edmond Haxhia dhe Ruben Saraiva duke blerë ushqime dhe duke u larguar në një rrugicë lagjeje në Shkodër. Por deri më tani, shtëpia nuk është gjetur.

Vrasja e Nikulajt u zbardh dy ditë më parë. Policia e Shtetit doli me një deklaratë zyrtare ku njoftoi se gjithçka ishte planifikuar nga vëllezërit Lestakaj, me të cilët Nikulaj ishte në hasmëri që prej vitit 1997. Dyshohet se Lestakajt kishin paguar një skuadër të huajsh për të ardhur për të kryer vrasjen. Sipas të dhënave të PSH-së, në rolin e ekzekutorit ishte portugezi Ruben Saraiva, ndërsa katër britanikë ishin vëzhgues. Ata janë identifikuar si: Harry Simson, Thomas Mithan, Steven Hunt dhe Harriet Bridgeman. I gjithë ekipi menaxhohej nga Edmond Haxhia, djali i dajës i vëllezërve Lestakaj. Por, deri më tani asnjë prej të përfshirëve nuk janë arrestuar. Të gjithë janë larguar nga Shqipëria dhe nuk dihet destinacioni i tyre. Nga ana tjetër, vetë vëllezërit Lestakaj ndodhen në Britaninë e Madhe./Dosja.al

ruben saraiva edmond haxhia vritet ardian nikulaj renea

Sondazh

Poll

MË SHUMË