Tiranë- Avokatja e Popullit Erinda Ballanca ka reaguar ndaj deputetit Myslim Murrizi në lidhje me deklaratat e këtij të fundit për komunitetin rom apo edhe për personat me sindromën Down.
Gjuha e përdorur nga Murrizi, ku u shpreh, ‘si arixhinjtë me çadra’, për deputetët dhe në një tjetër rast përmendi edhe termin Down, ka sjellë reagimin e fortë të Avokatit të Popullit, që kërkon dënimin e tij nga Kuvendi.
“Tashmë është bërë e disata herë që zoti Murrizi vazhdon të fyejë, anatemojë e të përçmojë çdo komunitet i cili në psikologjinë e tij u takon shtresave inferiore të shoqërisë.”, shprehet ajo.
Reagimi i plotë:
Avokati i Popullit dënon gjuhën raciste të nënkryetarit të kuvendit myslim murrizi dhe kërkon masa urgjente. Institucioni i Avokatit të Popullit dënon gjuhën diskriminuese e cila sërish gjeti hapësirë në Kuvendin e Shqipërisë përmes nënkryetarit të këtij institucioni z.Myslim Murrizi.
Në mbledhjen e Konferencës së Kryetarëve në institucionin më të lartë në vend që është Kuvendi, nënkryetari z.Murrizi u është referuar qytetarëve shqiptarë, anëtarë të komunitetit rom me shprehjen raciste dhe poshtëruese “arixhinj”.
Tashmë është bërë e disata herë që zoti Murrizi vazhdon të fyejë, anatemojë e të përçmojë çdo komunitet i cili në psikologjinë e tij u takon shtresave inferiore të shoqërisë.
Pas personave me sindromën down dhe femrave, tani është radha e qytetarëve romë të shohin sesi ky deputet, zyrtar i lartë i shtetit shqiptar, i konsideron ata si një shembull për të ilustruar primitivitetin, prapambetjen dhe në përgjithësi statusin të cilin duam ta evitojmë.
Zoti Murrizi duhet ta ketë të qartë se të jesh rom sot nuk është diçka për të cilën dikush duhet të ndjejë turp. Kjo lloj mendësie duhet dënuar me forcë në çdo rast.
Kuvendi i Shqipërisë ka shënuar hapa të qenësishëm përpara për të vendosur standarde bashkëkohore etike për jetën dhe veprimtarinë e deputetëve duke synuar që ata të jenë simbol pozitiv i tërë shtetasve të Republikës së Shqipërisë.
Ndërkohë është e rëndësishme që Kuvendi të tregojë shembull e vullnet për të qenë ai zbatuesi më i devotshëm i ligjit dhe garantuesi i të drejtave të komuniteteve vulnerabël duke zbatuar parashikimet e rregullores së Kuvendit nr.61/2018 datë 5.4.2018/ (nenin 5, pika 1 si dhe nenin 6, pika 2).
Në pritje që edhe Kuvendi i Shqipërisë ta dënojë këtë sjellje e të ndërmarrë hapa konkretë për përjashtimin e kësaj lloj mendësie dhe mbartësve të saj nga forumi më i lartë vendimmarrës i popullit, institucioni i Avokatit të Popullit u shpreh solidaritetin dhe mbështetjen të gjitha shoqatave, grupimeve, organizatave dhe individëve të komunitetit rom që mund të jetë lënduar nga kjo gjuhë e papërgjegjshme nga ana e një përfaqësuesi të lartë shtetëror.
Disa ditë më parë gjatë Konferencës së Kryetarëve të Kuvendit deputetët e rinj kërkuan kredi me interes të ulët ose zero, si të pastrehë. Propozimi është artikuluar nga deputeti demokrat Myslim Murrizi, i cili foli për kushte të vështira jetese të deputetëve të opozitës së re, të cilës sipas tij, po bëhen si disa ‘arixhinj’ që flenë në çadra. Më herët Murrizi u shpreh se ndaj një komentuesi: “Ik o down”.
J.V/Dosja.al
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Ministrja për Marrëdhëniet me Parlamentin Elisa Spiropali e ftuar në emisionin “Real Story” në “News 24” u përfshi në një debat me deputetin Lefter...
TIRANË– Ditën e sotme nisi fluturimet “Migjeni” avioni shqiptar, i cili niset nga vendi ynë me destinacion Bolonjën e Italisë.Ishte vetë kryeministri Edi R...
Në mbledhjen e një dite më parë të ish-grupit parlamentar të PD-së, ish-deputeti Ervin Salianji, ka mbështetur idenë e hapjes se partisë, por ka kërkuar që par...
TIRANË- Analisti Baton Haxhiu në diskutimin që po sot në Open në Top Channel mbi raportin e komisionit të Venecias për presidentin Ilir Meta, tha se kjo nu...
TIRANË- Ministrja për Marrëdhëniet me Parlamentin Elisa Spiropali e ftuar në emisionin “Real Story” në “News 24” foli për raportin e Komisionit të Venecias...
TIRANË– Avokati i Popullit ka dënuar sërish gjuhën fyese të deputetit të përjashtuar nga PD-ja, Myslim Murrizit.Ky i fundit në një mbledhje në Kuvend, krah...
TIRANË- Deputeti Ralf Gjoni sot nga foltorja e Kuvendit solli dhe njëherë në vëmendje debatin për Reformën në Zgjedhore dhe mundësinë për një marrëveshje R...
TIRANË– Gjatë gjithë punimeve të sotme të seancës plenare, kryeparlamentari Gramoz Ruçi nuk ka kursyer asnjë deputet apo ministër për tejkalimin e k...
TIRANË- Autoriteti i Mediave Audiovizive, pas shumë shtyrjesh, ka vendsour që nesër të fikin sinjalin analog dhe të gjithë televizoret të punojnë vetëm me ...
TIRANË- Sot seanca plenare i është kushtuar halleve të qyetetarëve dhe janë deputetët, të cilët po i adresojnë në Kuvend. Një nga deputetët që ka folur sot...