Sport

Lojërat Olimpike ‘Paris 2024’: Aplikojnë 200.000 vullnetarë, tejkalojnë Tokion...

Kandidatët kanë afat deri më 3 maj për të aplikuar, me shpresën se do të jenë një nga 45.000 vullnetarët e lojërave. Për ta arritur këtë aplikanti duhet të jetë 18 vjeç më 1 janar 2024 dhe të flasë frëngjisht ose anglisht.

24 Prill 2023, 20:49 Nga DOSJA

 

Lojërat Olimpike ‘Paris 2024’: Aplikojnë 200.000

FRANCE - Me më shumë se 200.000 aplikime deri më tani, Lojërat Olimpike të Parisit kanë tejkaluar numrin e vullnetarëve të regjistruar për ato në Tokio, të cilat u mbajtën në vitin 2021 (për shkak të pandemisë Covid-19, në vend të vitit 2020 të planifikuar fillimisht).

Një javë përpara mbylljes së aplikimeve vullnetare për Lojërat Olimpike Paris 2024 (26 korrik - 11 gusht) dhe Paraolimpike (28 gusht - 8 shtator), komiteti organizativ ka marrë tashmë më shumë se 200.000 aplikime në platformën përkatëse, tha sot një përfaqësues i saj.

 “Tashmë e kemi tejkaluar numrin e aplikimeve të Tokios, ku kishte 200.000 aplikime në platformën vullnetare për 60.000 vende”,- shpjegoi Bruno Marie-Rosé, shefi i teknologjisë për komitetin organizativ të Olimpiadës.

Kandidatët kanë afat deri më 3 maj për të aplikuar, me shpresën se do të jenë një nga 45.000 vullnetarët e lojërave. Për ta arritur këtë aplikanti duhet të jetë 18 vjeç më 1 janar 2024 dhe të flasë frëngjisht ose anglisht.

Në platformë kandidatët duhet t'u përgjigjen dy pyetësorëve, pothuajse 200 pyetje gjithsej. Disa kandidatë do të përzgjidhen tashmë për aktivitete testuese këtë verë, si në hendboll, kanotazh, apo edhe not në det të hapur. Por shumica dërrmuese e kandidatëve do të përzgjidhen deri në fund të vitit 2023.

Disa aktivistë anti-olimpikë, kanë njoftuar së fundmi në rrjetet sociale synimin e tyre për të infiltruar në rrjetin e vullnetarëve.

B.T (Dosja.al)

Sondazh

Poll

MË SHUMË