Bota

'Trupat e dekompozuar mbahen në reparte'/ DETAJE rrëqethëse nga lufta civile në Sudan, qytetari: Morgjet dhe rrugët janë mbushur plot

Attiya Abdullah, sekretar i përgjithshëm i sindikatës së mjekëve sudanezë, tha se e njëjta gjë po ndodhte edhe në spitale të tjera.

24 Prill 2023, 17:23 Nga a.l
'Trupat e dekompozuar mbahen në reparte'/ DETAJE
Pamjet nga spitali në Sudan

SUDAN- Betejat që nga 15 prilli midis forcave të dy gjeneralëve rivalë në Sudan e kanë kthyer Khartoum-in në një zonë lufte, duke mbyllur spitalet dhe duke penguar mjekët të ofrojnë kujdes për të plagosurit. Në kohën kur Mohamed, një pacient 25-vjeçar me leuçemi, u evakuua nga Spitali Mësimor Khartoum të martën, trupi i tij ishte ende aty, pasi nuk mund të transportohej për shkak të luftimeve, shkruan France24. 

“Për shkak të luftimeve intensive, personi nuk mund të lëvizej dhe të varrosej”, tha babai i Mohamed, Mohamed Ibrahim, 62 vjeç. 

Attiya Abdullah, sekretar i përgjithshëm i sindikatës së mjekëve sudanezë, tha se e njëjta gjë po ndodhte edhe në spitale të tjera.

"Trupat e pajetë të dekompozuar mbahen në reparte në mungesë të ndonjë vendi tjetër për t'i vendosur ato. Me shpërthime, të shtëna dhe sulme ajrore që kanë vrarë qindra në kryeqytet dhe në pjesë të tjera të vendit, morgjet dhe rrugët janë të mbushura me trupa", tha Abdullah.

Sipas tij, lufta urbane midis forcave besnike të shefit të ushtrisë sudane Abdel Fattah al-Burhan dhe zëvendësit të tij të kthyer në rival, Mohamed Hamdan Daglo, komandant i Forcave të fuqishme paraushtarake të Mbështetjes së Shpejtë (RSF), ka shkaktuar një kolaps në sistemin shëndetësor. 

sulme ne sudan

Sondazh

Poll

MË SHUMË