Sport

Ten Hag: “Do të bëjmë të pamundur që City të mos përsërisë rekordin e United”

Nëse City i fiton të dyja kompeticionet dhe Kupën FA, ata do të bëhen vetëm skuadra e dytë që arrin këtë sukses pas United, i cili fitoi të tre trofetë në 1999.

24 Prill 2023, 10:17 Nga DOSJA
Ten Hag: “Do të bëjmë të pamundur që City të

ANGLI - Manchester United rezervoi vendin e tij në finalen e parë të FA Cup që do të luhet ekskluzivisht në Mançester, duke mposhtur Brighton 7-6 me penallti në Wembley të dielën. Skuadra tjetër e Manchesterit, City po “ndjek” titullin gjithashtu në Premier League dhe Champions League. Nëse fitojnë të dyja kompeticionet dhe Kupën FA, ata do të bëhen vetëm skuadra e dytë që arrin këtë sukses pas United, i cili fitoi të tre trofetë në 1999.

Skuadra e Ten Hag, e cila humbi 6-3 nga City në fillim të sezonit, por mundi fqinjët e tyre 2-1 në takimin e tyre të fundit në Old Trafford në janar, do të shpresojnë të mposhtin përsëri skuadrën e Pep Guardiolës kur të takohen më 3 qershor. "Ne do të japim gjithçka nga vetja - dhe kur them gjithçka, ne nënkuptojmë gjithçka. Unë i kuptoj, sigurisht, ndjenjat e tifozëve të United për [ndeshjen me Cityn në finale]. Ne duam t'u japim atyre atë fitore kundër Cityt, ne duam t'u japim tifozëve atë trofe dhe ne mund ta bëjmë këtë sepse kemi dëshmuar se mund t'i mposhtim ata. Nuk është e lehtë - është një ekip i madh - por ne kemi një ekip dhe lojtarë të mëdhej gjithashtu. Ne duhet të luajmë lojën perfekte, i kemi mundur edhe më herët këtë sezon”, tha ai.

Sa i përket objektivave të skuadrës, ai tha: “Jemi në rrugën e duhur. Një trofe, një tjetër finale dhe ne po luftojmë për top katërshen. Nuk është e mjaftueshme, por është një hap i madh nga sezoni i kaluar”.

B.T (Dosja.al)

Sondazh

Poll

MË SHUMË