Aktualitet

Vinin baste sportive, kapen në flagrancë 5 persona në Tiranë

Sipas Policisë, gjatë aksionit janë sekuestruar pesë aparate celulari, ndërkaq ka nisur puna për zbardhjen e veprimtarisë së tyre.

21 Prill 2023, 10:13 Nga k.m.
Vinin baste sportive, kapen në flagrancë 5 persona në Tiranë
Foto ilustruese

TIRANË- 5 persona janë arrestuar në Tiranë pasi u kapën në flagrancë duke vendosur baste sportive në dy lokale. Sipas Policisë, gjatë aksionit janë sekuestruar pesë aparate celulari, ndërkaq ka nisur puna për zbardhjen e veprimtarisë së tyre.

NJOFTIMI I PLOTË:

Tiranë/Finalizohet operacioni policor i koduar "Game over 5". Goditen nga Komisariati i Policisë Nr. 2, dy raste të organizimit të lotarive të palejuara, në ambientet e dy lokaleve. Vihen në pranga 5 shtetas.

Sekuestrohen 5 aparate celulare. Specialistët e Seksionit për Hetimin e Krimeve të Komisariatit të Policisë Nr. 2, në vijim të punës për evidentimin dhe goditjen e veprimtarive të kundërligjshme në fushën e lojërave të fatit, kanë evidentuar dhe goditur dy raste të vënies së basteve sportive, nëpërmjet aparateve celulare dhe kanë finalizuar operacionin policor të koduar "Game over 5".

Në kuadër të këtij operacioni u arrestuan në flagrancë shtetasit: - B. S., 61 vjeç, P. M., 51 vjeç, D. Ç., 42 vjeç, E. B., 22 vjeç, dhe P. S., 59 vjeç, të pestë banues në Tiranë. Si rezultat i kontrolleve të pandërprera të ushtruara nga shërbimet e Policisë, këta shtetas u kapën në flagrancë, në dy lokale të ndryshme, në rrugën "Tish Daija" dhe "Skënder Luarasi", duke vënë baste sportive, me celularët e tyre, të cilët u sekuestruan në cilësinë e provës materiale.

Materialet procedurale i kaluan Prokurorisë, për veprime të mëtejshme.

game over 5

Sondazh

Poll

MË SHUMË