Sport

VIDEO/ Në Itali i jepet ‘verdikti’: Pas Milan-Napoli, gjyqtari Istvan Kovacs nuk do të gjykojë më në Kupat Europiane…

Rumuni Istvan Kovacs nuk do të arbitrojë më në Kupat e Europës deri në sezonin e ardhshëm, pas paraqitjes AC Milan - Napoli (1-0), vlerësojnë gazetarët italianë.

14 Prill 2023, 22:13 Nga DOSJA
VIDEO/ Në Itali i jepet ‘verdikti’: Pas Milan-Napoli, gjyqtari

ITALI - Ndeshja mes Milanit dhe Napolit, në çerekfinalen e parë të Champions League, mund të jetë e fundit në sezonin evropian të arbitrit rumun Istvan Kovacs. Napoletanët u shprehën të pakënaqur me paraqitjen e “bilbilit”, madje bënë të ditur se duan ta çojnë në gjykatë dhe të kërkojnë dëmshpërblim prej 150 milionë eurosh nga UEFA.

Tani gazetarët e Calciomercato kanë njoftuar, se presidenti i Komitetit të Arbitrave të UEFA-s, Roberto Rosetti, njeriu që cakton edhe gjyqtarët, ishte i pranishëm në San Siro. Thuhet se ai do të ishte i pakënaqur me vendimet e marra nga Istvan Kovacs gjatë ndeshjes, ndaj mendohet se ka vendosur që të mos i jepte më ndeshje gjyqtarit rumun deri në fund të këtij sezoni.

“Arbitri dhe presidenti i Komitetit të Arbitrave të UEFA-s, Roberto Rosetti, ishte i pranishëm në San Siro dhe nuk ishte i kënaqur me stilin e arbitrimit të Kovacs. Fakti që nuk i dha karton të verdhë Leaos, pas goditjes së flamurit, por edhe ndryshimet e tij metrike nga një interval i caktuar janë ndryshime shumë të mëdha, që sipas Il Mattino do të çojnë në pezullimin e tij nga futbolli europian deri në fund të sezonin”, kanë shkruar gazetarët e Calciomercato.

Istvan Kovacs do të paditet nga tifozët e Napolit pas arbitrimit të fitores 1-0 të Milanit në çerekfinale të Champions League. Të ftuarit besojnë se vendimet e arbitrit rumun kanë ndikuar në rezultatin përfundimtar, ndaj kanë kontaktuar tashmë avokatët për të përgatitur padinë.

“Ne po përgatisim një padi kolektive përmes së cilës do të kërkojmë dëmshpërblim prej 150 milionë eurosh nga UEFA, Aleksander Ceferin dhe Marchetti. Gjyqtarët në San Siro rrezikuan të shkatërrojë ëndrrën e një qyteti të tërë dhe miliona tifozëve që e kanë dashur gjithmonë këtë sport, duke shpenzuar në mënyrë naive para, për të qenë me ekipin e tyre. UEFA nuk mund ta trajtojë Napolin në këtë mënyrë”,- thuhet në deklaratën e dërguar nga tifozët e Napolit, sipas Football Italia.

Napoli po kundërshton kryesisht përjashtimin e Andre-Frank Zambo Anguissa, si dhe kartonin e verdhë të dhënë për Kim Min-Jae, i cili do të pezullohet për ndeshjen e dytë.

B.T (Dosja.al)

Sondazh

Poll

MË SHUMË