Aktualitet

Arrestohet ‘diplomatja’ në Rinas, po largohej nga Shqipëria si e privilegjuar, në kërkim personi që e ndihmoi

Gjithashtu, në kërkim është shpallur H. P., 57 vjeç, pasi dyshohet se e ka ndihmuar gruan në fjalë për falsifikimin e dokumenteve.

14 Prill 2023, 09:39 Nga F.M
Arrestohet ‘diplomatja’ në Rinas, po largohej nga
Rinas

TIRANË- Një 57-vjeçare është vënë në pranga pasi ka tentuar të largohet nga Shqipëria me një pasaportë diplomatike të falsifikuar. Në njoftimin zyrtar bëhet me dije se gruaja me inicialet D. I., banuese në Tiranë, tentoi të kalonte kufirin me disa dokumente të falsifikuara (pasaportë diplomatike dhe dokumente pune). Në momentin që është kontrolluar nga policia, 57-vjeçarja është oprezantuar si diplomate, por autoritetet kanë bërë verifikimet e mëtejshme të dokumenteve që kanë rezultuar të falsifikuara. Gjithashtu, në kërkim është shpallur H. P., 57 vjeç, pasi dyshohet se e ka ndihmuar gruan në fjalë për falsifikimin e dokumenteve.

Njoftimi:

Arrestohet një 57-vjeçare, pasi tentoi të dilte nga vendi ynë, me pasaportë diplomatike dhe me dokumente pune të dyshuara të falsifikuara. Shpallet në kërkim një shtetas që dyshohet se ka ndihmuar 57-vjeçaren, me qëllim kalimin e paligjshëm të kufirit.

- Në dalje të Republikës së Shqipërisë, është arrestuar në flagrancë shtetasja D. I., 57 vjeçe, banuese në Tiranë, pasi tentoi të kalonte kufirin me disa dokumente të dyshuara të falsifikuara (pasaportë diplomatike dhe dokumente pune), të cilat iu sekuestruan në cilësinë e provës materiale. Gjithashtu për këtë rast u shpall në kërkim shtetasi H. P., 57 vjeç, pasi dyshohet se ka ndihmuar shtetasen D. I., për të kaluar kufirin, në kundërshtim me ligjin. Vijon puna për kapjen e këtij shtetasi.

policia e rinasit

Sondazh

Poll

MË SHUMË