Bota

I doli kundër për reformën, kryeministri Netanyahu bën hapa pas, nuk e shkarkon Ministrin e Mbrojtjes

Ai tha se e konsideronte të përfunduar çështjen, e cila u ngrit pas thirrjes publike të ministrit të mbrojtjes muajin e kaluar për të pezulluar reformën e diskutueshme të sistemit gjyqësor.

11 Prill 2023, 15:00 Nga I.A
I doli kundër për reformën, kryeministri Netanyahu bën hapa
Benjamin Netanyahu

IZRAEL- Kryeministri izraelit Benjamin Netanyahu njoftoi sonte veprime "në të gjitha frontet" për të rivendosur sigurinë në vendin e tij në mes të një përshkallëzimi të rrezikshëm të dhunës në Lindjen e Mesme.

"Ne nuk do të lejojmë që terroristët e Hamasit të vendosen në Liban," theksoi Netanyahu, pasi ushtria izraelite akuzoi lëvizjen palestineze se qëndron pas hedhjes së dhjetëra raketave të së enjtes në veri të Izraelit.

Netanyahu njoftoi gjithashtu se do të mbante në vend ministrin e Mbrojtjes Yoav Gallad, duke anuluar një vendim për shkarkimin e tij që kishte shkaktuar reagime të forta dhe protesta. Ai tha se e konsideronte të përfunduar çështjen, e cila u ngrit pas thirrjes publike të ministrit të mbrojtjes muajin e kaluar për të pezulluar reformën e diskutueshme të sistemit gjyqësor.

Një sondazh i kryer në emër të rrjetit televiziv izraelit Channel 13 tregoi se nëse zgjedhjet do të mbaheshin sot, partia Likud e Netanyahut do të humbte 1/3 e vendeve të saj dhe koalicioni qeverisës me partitë ultra-nacionaliste-të ekstremit të djathtë nuk do të siguronte shumicën në Knesset.

“Nuk më shqetëson sondazhi”, komentoi kryeministri izraelit.

Duke iu referuar marrëdhënieve të Izraelit me Shtetet e Bashkuara, të cilat janë tensionuar nga reforma e administratës së tij në sistemin gjyqësor, Netanyahu tha se marrëdhëniet midis dy vendeve mbeten "të ngushta" dhe se qeveritë e tyre bashkëpunojnë për çështjet e sigurisë. Kryeministri i Izraelit ka pezulluar procesin e miratimit të një rishikimi të gjyqësorit në mënyrë që të zhvillojë konsultime me partitë opozitare, pas disa javësh protestash në të gjithë vendin.

benjamin netanyahu yoav gallad

Sondazh

Poll

MË SHUMË