Politike

"Ç'ju bën kaq të sigurt?"/ 'Erion Braçe' pyet LIVE Berishën, kryedemokrati: Nuk do udhëtoj kurrë me avion me dhomë gjumi

Pa i bërë përshtypje emri nga i cili iu bë pyetje, Berisha tha se duke pasur parasysh që nuk do të ndërtojë kurrë rrugë me 60 milionë euro, shkolla me 10 milionë euro dhe 22 milionë euro në fluturime, ka bindjen që do të fitojë.

10 Prill 2023, 12:33 Nga F.M
"Ç'ju bën kaq të sigurt?"/ 'Erion
Sali Berisha

TIRANË- Kryedemokrati Sali Berisha ka komunikuar me një person që është vetëquajtur Erion Braçe në Facebook. Në një bashkëbisedim me qytetarët, Berisha u pyet nga personi në fjalë se ku e gjente bindjen se do të fitonte dhe tha se u referohet planeve që ka për transformimin e vendit.

Pa i bërë përshtypje emri nga i cili iu bë pyetje, Berisha tha se duke pasur parasysh që nuk do të ndërtojë kurrë rrugë me 60 milionë euro, shkolla me 10 milionë euro dhe 22 milionë euro në fluturime, ka bindjen që do të fitojë.

"E vërteta është se një seri bashkish janë tërësisht të falimentuara. Por, nuk mundet kurrë një njeri të qëndrojë duarkryq përpara të keqes. Kur sheh të keqen me sy, detyra më kryesore është ta ndalosh atë. Aty ku ndalon të keqen, lind shpresa, lind mundësia. Ka qenë viti 1992, gjithsej arka e shtetit kishte 4 milionë dollarë. 80 përqind e qytetarëve ishin të papunë. Por reforma dhe guximi për t’i ndërmarrë ato, bënë të mundur që çdo vit, të ardhurat të dyfishohen. Unë mund t’u them ju zoti Erion, se qeveria e ardhshme nuk do ndërtojë kurrë rrugë me 24 milionë euro, por me 2, 3 milionë euro kilometri. Qeveria e ardhshme nuk do ndërtojë shkolla me 6 milionë euro, por me 700 mijë euro. Kryeministri i ardhshëm nuk do shpenzojë 22 milionë euro me fluturime me avion me dhomë gjumi, të blejë vazo 4 milionë euro. Nuk do lejojë kurrë që ministrat të ulen në dreka dhe darka me 10 mijë euro, apo që të udhëtojë 15 rrugë me helikopter për Peshkopi. Mundësitë janë të mëdha nëse vendosim ligjin dhe qytetarin në epiqendër të qeverisjes,"- tha Berisha. 

sali berisha erion brace sali berisha 10 prill 2023

Sondazh

Poll

MË SHUMË