Sport

Mesazhi i ri i vëllait të Dani Alves në rrjetet, shumë më ndryshe nga ata të mëparshmit…

Ney shpesh ndan mesazhe dhe citate biblike përmes mediave sociale

9 Prill 2023, 10:12 Nga DOSJA

Mesazhi i ri i vëllait të Dani Alves në rrjetet, shumë

SPANJE - Dani Alves ndodhet në burgun e Brians për më shumë se tre muaj. Më shumë se 90 ditë në të cilat familja e tij i ka dhënë mbështetjen e pakushtëzuar. Nga ish-gruaja e tij dhe tani menaxhere, Dinora Santana, nëna dhe vëllai i tij Ney.

Ky i fundit nuk ka reshtur së dërguari mesazhe përmes rrjeteve të tij sociale. Më e fundit, këtë të shtunë. Disa fjalë të shkruara në 'stories' e tij në Instagram dhe që shkojnë në një linjë shumë të ndryshme nga publikimet e tij të mëparshme, ku ai kërkonte drejtësi për vëllain e tij ose sulmonte Joana Sanz.

Me këtë rast, Ney thjesht ka dashur të falënderojë Zotin për të gjitha të mirat që i jep: “Jezus, sot nuk dua të të kërkoj asgjë, vetëm dua të të falënderoj për shëndetin tim, për familjen time, për bukën e çdo dite, për lirinë time dhe për mundësinë e një dite më shumë, faleminderit Zotit”, ka shkruar ai.

Mesazhi i ri i vëllait të Dani Alves në rrjetet, shumë

Ajo që ka preferuar të shmangë është të vizitojë Alves në burg. Nuk e dimë nëse me kërkesë të lojtarit, për të shmangur shtypin, apo me vendim të tij, për të mos parë vëllain e tij në këtë situatë. Ajo që dimë është se e vetmja vizitë që Dani ka deri më sot është nga miku i tij Bruno Brasil, me të cilin ishte në ditën e ngjarjeve të supozuara.

B.T (Dosja.al)

Sondazh

Poll

MË SHUMË