Sport

Braziliani legjendar i Lionit: “Messi më mirë të kthehet në Barcelonës, se të luajë në Arabi me Ronaldon!”

“Nëse Leo kthehet me një zemër të sinqertë dhe kushte të kontratës që i përshtaten Barcelonës aktuale, atëherë po. Sigurisht që kthimi në Barcelonë është më mirë sesa të luash një derbi me Cristiano Ronaldon në Arabinë Saudite.”

8 Prill 2023, 14:20 Nga DOSJA
Braziliani legjendar i Lionit: “Messi më mirë të kthehet

ARABI SAUDITE - Të gjithë pyesin se ku do të luajë Leo Messi sezonin e ardhshëm. “Pleshti” mund të rinovojë me PSG-në ose mund të rikthehet te Barcelona.

Por, pista konkrete mbeten edhe Arabia Saudite dhe MLS e SHBA. Ish-mesfushori brazilian, Juninho foli për RMC Sport rreth së ardhmes së shtatë herë fituesit të Topit të Artë.

“Messi ka arritur gjithçka, ai u bë edhe kampion bote. Por koha kalon për të gjithë. Unë mendoj se gjëja më e mirë për të është të kthehet te Barcelona.

Të kthehesh dhe të kërkosh të njëjtën kontratë mund të mos u pëlqejë tifozëve. Nëse Leo kthehet me një zemër të sinqertë dhe kushte të kontratës që i përshtaten Barcelonës aktuale, atëherë po.

Sigurisht që kthimi në Barcelonë është më mirë sesa të luash një derbi me Cristiano Ronaldon në Arabinë Saudite. 

Të gjithë në Barcelonë e respektojnë Leon. Askush nuk do ta bëjë më kurrë atë që ka arritur ai me klubin katalanas“, u shpreh Juninho, një ndër më të mirët në histori në goditjet e dënimit.

B.T (Dosja.al)

Sondazh

Poll

MË SHUMË