Politike

PD e Vaut të Dejës: Policia ndaloi 3 kandidatët tanë, i ndoqi dhe i largoi 1 km nga qyteti për t'i kontrolluar. Çuçi të reagojë

Sipas PD-së, kandidatët janë urdhëruar që të udhëtojnë deri në 1 kilometër jashtë qytetit për t’ju nënshtruar një kontrolli fizik. Këtë sjellje, PD e konsideron arbitrare dhe kërkon përgjigje nga Ministri i Brendshëm Bledi Çuçi.

6 Prill 2023, 23:26 Nga F.M
PD e Vaut të Dejës: Policia ndaloi 3 kandidatët tanë, i
PD, Vau i Dejës

VAU I DEJËS- Partia Demokratike e degës Vau Dejës ka deklaruar se tre kandidatët për këshillin bashkiak janë ndaluar sot nga efektivët e policisë. në një deklaratë zyrtar, PD thotë se tre kandidatët janë ndaluar nga një patrullë e Policisë së Shtetit, pa asnjë arsye. Më konkretisht, Gjon Marku, kryesuesi i listës dhe njëkohësisht ish-kryetari i Bashkisë, dhe dy kandidatët Aleks Prendi dhe Gjin Lazri, sipas PD-së janë ndaluar pa të drejtë dhe madje janë ndjekur nga efektivët e policisë. Sipas PD-së, kandidatët janë urdhëruar që të udhëtojnë deri në 1 kilometër jashtë qytetit për t’ju nënshtruar një kontrolli fizik. Këtë sjellje, PD e konsideron arbitrare dhe kërkon përgjigje nga Ministri i Brendshëm Bledi Çuçi.

Njoftimi:

Partia Demokratike, Dega Vau Dejës denoncon ndalimin që iu është bërë sot rreth orës 19:15 tre kandidatëve të PD-së për Këshillin Bashkiak të Bashkisë Vau Dejës: 
1-Z Gjon Marku Kryesues i listes për Anëtar të Këshillit të Bashkisë Vau Dejës, ish Kryetar i Bashkisë Vau Dejës, Ish Sekretar I Këshillit të Qarkut Shkodër.
2- z. Aleks Prendi, kandidat për Këshillin Bashkiak Vau Dejës 
3- z. Gjin Lazri, kandidat për Këshillin Bashkiak Vau Dejës
Të tre kandidatët janë ndaluar nga një patrullë e policisë së shtetit, pa asnjë motiv, pa asnjë arsye, të cilët kanë ndaluar kandidatët e Partisë Demokratike fillimisht në qënder të fshatit Mjedë me preteksin që gjoja nuk jeni ndaluar postobllokut të Policisë gjë që nuk është aspak e vërtet dhe është trillim pasi gjatë aksit rrugor nuk ka pasur asnjë postobllok policie. 

Pasi i kanë ndalur në fshatin Mjedë, dhe me pas i kanë lënë të lirë, patrulla e policisë ka ndjekur gjatë gjithë rrugës mjetin me të cilin po udhëtonin kandidatët e Partisë Demokratike, duke i ndalur sërish në qëndër të qytetit të Vau Dejësit. Kjo patrullë, pasi është ndalur mjeti, kanë detyruar Kandidatin për Anëtar të Këshillit të PD bashkë me automjetin e tij të largohet 1 km larg qytetit për t'i bërë kontroll fizik. 

Një sjellje arbitrare dhe aspak etike, këta punonjës të Policisë së Shtetit kanë shkelur rëndë nenin 94, 110 dhe 116 të ligjit nr. 108/2014 "Për Policinë e Shtetit", i ndryshuar,  duke kryer verifikime dhe kontrolle të kandidatëve demokratë, me qëllim të qartë intimidimin e tyre. Sjellje të tilla përbëjnë jo vetëm shkelje të rënda disiplinore, me pasojë largimin e menjëhershëm nga detyra, por edhe veprën penale të "Shpërdorimit të detyrës", sipas nenit 248 të Kodit Penal. Ne i bëjmë thirrje Ministrit të Brendshëm dhe Drejtorit të Përgjithshem të Policisë së Shtetit që të reagojnë menjëherë ndaj këtij rasti skandaloz dhe të paprecedentë.

partia demokratike ndalohen kandidatet e pd

Sondazh

Poll

MË SHUMË