Bota

Puna e qeverisë gjatë 2 viteve/ Opozita e pakënaqur: Mund të lavdërohen për gjithçka, vetëm për punë dhe rezultate jo

Tahiri ka përmendur se qeveria ende nuk e ka kaluar Pagën Minimale, duke theksuar se nuk ka vepruar ende për të lehtësuar ekonominë.

6 Prill 2023, 13:47 Nga a.l
Puna e qeverisë gjatë 2 viteve/ Opozita e pakënaqur: Mund të
Besnik Tahiri

KOSOVË- Pjesë e rendit të ditës sot në Kuvendin e Kosovës është Shqyrtimi i Propozim-Rezolutës për punën dyvjeçare të Qeverisë së Kosovës. Shefi i Grupit Parlamentar të AAK-së, Besnik Tahiri është shprehur i pakënaqur me arritjet e qeverisë gjatë kësaj periudhe, teksa deklaroi se qeveria e drejtuar nga Kurti po hyn tashmë në vitin e tretë dhe se deri më tani nuk ka asnjë rezultat të punës së tyre. 

“Mund të lavdërohen për gjithçka, vetëm jo për punë dhe rezultate. Për dy vjet shohim logjikë arbitrare të punës, antikushtetuese dhe varfëruese. Është qeveri arbitrare sepse ka bërë punësime antikushtetuese. Është antkishtetuese që prej shkarkimit të Komisionit të Pavarur të Shërbyesve Civil. Ligjin për Këshillin Prokurorial…Këto tregojnë logjikën antikushtetuese”, tha Tahiri. 

Tahiri ka përmendur se qeveria ende nuk e ka kaluar Pagën Minimale, duke theksuar se nuk ka vepruar ende për të lehtësuar ekonominë.

“Kurrë më keq s’kemi qenë në rrafshin ndërkombëtar. Raporti i DASH tregon se kjo qeveri ka hyrë edhe në afera korruptive”, tha ai. 

Në seancën e sotme plenare, deputetët e Kuvendit do të shqyrtojnë edhe disa pika të tjera, ndër të cilat edhe Projektligjin për pensionet e zyrtarëve policor të Policisë së Kosovës dhe punonjësit e Inspektoratit Policor të Kosovës me autorizime policore, si dhe Projektligjin për çmimin e produkteve medicinale. 

mblidhet kuvendi i kosoves besnik tahiri

Sondazh

Poll

MË SHUMË