Bota

Raporti i Euractiv: Prokurori i BE-së nis hetimin për 'spyware' në Greqi

Sipas Euractiv, hetimi i EPPO-së u nis me kërkesë të PEGA, komiteti i Parlamentit Evropian që heton përdorimin e Predator-it dhe spyware-ve të tjerë të mbikëqyrjes.

5 Prill 2023, 16:35 Nga I.A
Raporti i Euractiv: Prokurori i BE-së nis hetimin për
Foto ilustruese

GREQI- Zyra e Prokurorit Publik Evropian (EPPO) po heton përdorimin e 'spyware-ve' të paligjshëm në përgjimet e gazetarëve, politikanëve, biznesmenëve dhe qytetarëve në Greqi. Sipas Euractiv, hetimi i EPPO-së u nis me kërkesë të PEGA, komiteti i Parlamentit Evropian që heton përdorimin e Predator-it dhe 'spyware-ve' të tjerë të mbikëqyrjes. Duke cituar burime konfidenciale, Euractiv tha se EPPO ka marrë informacion specifik nga gazetarët grekë që hetojnë këtë çështje.

“Personat që dëshmuan para prokurorëve paraqitën prova që vërtetonin se administrata e (kryeministrit) Kyriakos Mitsotakis lehtësoi përhapjen e spyware-ve të Intellexa-s Predator në vende si Arabia Saudite, Sudani, Madagaskari dhe Bangladeshi duke dhënë licenca eksporti përmes Ministrisë Greke të Punët e Jashtme”, shkruan Euractiv.

Euractiv tregoi gjithashtu tha se ka prova që sugjerojnë evazionin e madh fiskal nga firmat e lidhura me spyware-in ilegal.

Pagesat e padeklaruara, faturat e rreme dhe transaksionet trekëndore janë disa nga krimet e rënda tatimore që duket se janë kryer nga kompanitë greke Intellexa dhe Krikel, kompania irlandeze Thalestris dhe nga kompanitë qipriote të lidhura me to. Qindra fatura të rreme dhe deklarata tatimore i janë dorëzuar Prokurorit Evropian për të dokumentuar mashtrimin dhe se si preken interesat e BE-së," thuhet në lajm. 

eppo spyware

Sondazh

Poll