Bota

Gruri në Ukrainë importohej pa tarifë, jep dorëheqjen Ministri i Bujqësisë në Poloni

Shumica e fermerëve polakë kishin bërë thirrje më parë për futjen e tarifave.

5 Prill 2023, 14:35 Nga a.l
Gruri në Ukrainë importohej pa tarifë, jep dorëheqjen
Henryk Kowalczyk

POLONI- Ministri i Bujqësisë i Polonisë Henryk Kowalczyk ka dhënë zyrtarisht dorëheqjen nga posti i tij. Kowalczyk tha se vendosi të largohej nga posti i tij ministror për shkak të vendimit të Komisionit Evropian për të zgjatur importet pa taksa për grurin ukrainas deri në qershor 2024. Shumica e fermerëve polakë kishin bërë thirrje më parë për futjen e tarifave, shkruajnë mediat e huaja. 

Menjëherë pas paraqitjes së letrave, ministri shprehu rezervat e tij për veprimet e ardhshme të Komisionit Evropian. “Është e qartë se kjo kërkesë nuk do të përmbushet nga Komisioni Evropian në këtë pikë, kështu që vendosa të jap dorëheqjen nga posti i ministrit të bujqësisë,” tha Kowalczyk.

Në fillim të javës së kaluar, kryeministrat e pesë shteteve, përfshirë Poloninë, i shkruan Presidentes së Komisionit Evropian Ursula von der Leyen për të kërkuar veprim mbi importet bujqësore ukrainase. Ata thanë se tarifat mund të duhet të rifuten nëse fluksi i grurit dhe produkteve të tjera nga Ukraina nuk mund të ndalet me mjete të tjera.

henryk kowalczyk

Sondazh

Poll

MË SHUMË