Bota

'Hapi i parë i marrëveshjes së Ohrit'/ Borrell: Kosova dhe Serbia pajtohen për deklaratën rreth çështjes së personave të zhdukur

Marrëveshja që ata arritën për tekstin e deklaratës për personat e zhdukur është arritur në takimin e djeshëm të kryenegociatorëve.

5 Prill 2023, 14:05 Nga a.l
'Hapi i parë i marrëveshjes së Ohrit'/ Borrell: Kosova
Besnik Bislimi, Josep Borrell, Petar Petkoviç

KOSOVË- Kosova dhe Serbia kanë rënë dakord për deklaratën rreth çështjes së personave të zhdukur me dhunë. Këtë e ka bërë të ditur shefi i Politikës së Jashtme të Bashkimit Evropian, Josep Borrell në një postim në Twitter. Marrëveshja që ata arritën për tekstin e deklaratës për personat e zhdukur është arritur në takimin e djeshëm të kryenegociatorëve.

“Serbia dhe Kosova janë zotuar me Marrëveshjen për rrugën drejt normalizimit dhe aneksin. Bashkimi Evropian pret që të dyja të respektojnë të gjitha obligimet dhe të fillojnë zbatimi sa më shpejt. Palët duhet të shmangin çdo përshkallëzim të mundshëm…”, tha ai.

“Marrëveshja që ata arritën për tekstin e deklaratës për personat e zhdukur gjatë takimit të djeshëm të kryenegociatorëve është hapi i parë. Ne do ta miratojmë atë në nivel liderësh në takimin e ardhshëm të nivelit të lartë…”, shkruan ai në Twitter.

Borrell tha se kjo marrëveshje do të miratohet në nivel liderësh në takimin e ardhshëm të nivelit të lartë. 

josep borrell

Sondazh

Poll

MË SHUMË