Bota

Zgjedhjet presidenciale në Turqi/ Mediat: Fati i Erdogan mund të përcaktohet nga kurdët

Është një kthesë ironie për Erdogan, i cili e kaloi gjysmën më të mirë të dekadës së kaluar duke goditur partinë pasi ajo filloi të shkatërronte bazën e tij të votuesve.

3 Prill 2023, 19:35 Nga I.A
Zgjedhjet presidenciale në Turqi/ Mediat: Fati i Erdogan mund të
Erdogam

TURQI- Partia pro-kurde në Turqi duket se do t'i hap probleme presidentit Rexhep Tajip Erdogan në zgjedhjet e 14 majit. Kjo pasi ata kanë njoftuar se nuk do të nxjerrin kandidat për president në këto zgjedhje. Kjo bën që të gjithë mbështetësit e kësaj partie do të votojnë kundërshtarin politik të Erdogan, Kemal Kiliçdaroglu. 

“Ne po përballemi me një pikë kthese që do të formësojë të ardhmen e Turqisë dhe shoqërisë së saj. Për të përmbushur përgjegjësinë tonë historike kundër sundimit të një njeriu, ne nuk do të nxjerrim një kandidat presidencial në zgjedhjet e 14 majit,” tha HDP në një deklaratë më 23 mars. 

Është një kthesë ironie për Erdogan, i cili e kaloi gjysmën më të mirë të dekadës së kaluar duke goditur partinë pasi ajo filloi të shkatërronte bazën e tij të votuesve. Ish-udhëheqësi i saj Selahattin Demirtas ka qenë në burg për gati shtatë vjet dhe partia përballet me probleme të shumta. Por ndikimi i saj mund të përcaktojë gjithsesi rrjedhën e politikës së Turqisë.

Vendimi i HDP-së për të mos paraqitur një kandidat erdhi vetëm tre ditë pasi kreu i Partisë Popullore Republikane (CHP) Kemal Kiliçdaroglu, rivali kryesor i Erdoganit, vizitoi bashkëkryetarët e partisë. Kilicdaroglu, i cili përfaqëson bllokun opozitar të Aleancës Kombe prej gjashtë partish, është pretenduesi më i fortë për të kandiduar kundër Erdoganit në vite. 

rexhep tajip erdogan kemal kiliçdaroglu selahattin demirtas

Sondazh

Poll

MË SHUMË